പൃഥ്വിരാജ് സുകുമാരൻ, പാർവതി തിരുവോത്ത്, ഹക്കിം ഷാജഹാൻ എന്നിവർ പ്രധാന കഥാപാത്രങ്ങളായി വരുന്ന 'ഐ നോബഡി' എന്ന ചിത്രത്തിന്റെ ടീസർ പുറത്തിറക്കി. റോഷാക്കിന് ശേഷം നിസാം ബഷീർ സംവിധാനം ചെയ്യുന്ന ഈ ചിത്രം ബാങ്ക് മോഷണത്തെ ചുറ്റിപ്പറ്റിയുള്ള ഹീസ്റ്റ് ഴോണറിലാണ്. ജേക്സ് ബിജോയ് സംഗീതം ഒരുക്കിയിരിക്കുന്ന ഈ ചിത്രം ജൂലൈയിൽ ആഗോള റിലീസിനെത്തും.
വെള്ളിയാഴ്ച മമ്മൂട്ടി, മോഹൻലാൽ, മഹേഷ് നാരായണൻ ചിത്രമായ പേട്രിയറ്റ് പ്രദർശന സമയത്ത് ഐ നോബഡിയുടെ ടീസർ പ്രദർശിപ്പിച്ചു. ടീസറിന് തിയേറ്ററുകളിൽ നിന്നും മികച്ച പ്രതികരണം ലഭിച്ചു. യൂട്യൂബിലും ട്രെൻഡിങ് ലിസ്റ്റിൽ ഇടം നേടി. 'എന്നെ മൊയ്തീൻ', 'കൂടെ' തുടങ്ങിയ സൂപ്പർഹിറ്റുകളെത്തുടർന്ന് പൃഥ്വിരാജും പാർവതിയും വീണ്ടും ഒന്നിക്കുന്ന ചിത്രമാണിത്. മലയാളത്തിൽ കാണാത്ത വ്യത്യസ്തമായ മേക്കിങ്ങാണ് ഇതെന്ന് റിപ്പോർട്ടുകൾ സൂചിപ്പിക്കുന്നു.
അശോകൻ, വിജയരാഘവൻ, മധുപാൽ, ശങ്കർ രാമകൃഷ്ണൻ, നക്ഷത്ര, ഐറാ, നിഷാന്ത് സാഗർ തുടങ്ങിയവരും ഈ ചിത്രത്തിൽ അഭിനയിക്കുന്നു. പൃഥ്വിരാജ് പ്രൊഡക്ഷൻസിന്റെയും ഇ4 എക്സ്പെരിമെന്റസിന്റെയും ബാനറിൽ സുപ്രിയ മേനോനും മുകേഷ് ആർ. മേത്തയും സി. വി. സാരഥിയും ചേർന്നാണ് നിർമ്മാണം നടത്തുന്നത്.
Photo and News Source: Mathrubhumi
