ദാദാ സാഹേബ് ഫാൽക്കേ ഫിലിം ഫെസ്റ്റിവലിൽ ‘എന്ന വിലൈ’ തമിഴ് ചിത്രത്തിന് മികച്ച മൗലിക തിരക്കഥയ്ക്കുള്ള പുരസ്കാരം ലഭിച്ചു. ഡൽഹിയിൽ നടന്ന 16-ാം ചലച്ചിത്ര മേളയിലായിരുന്നു പ്രഖ്യാപനം. സംവിധായകൻ സജീവ് പഴൂർ രചിച്ച ഈ ചിത്രം തീയറ്ററുകളിൽ ഉടൻ പ്രദർശനത്തിനെത്തും.
നിമിഷ സജയനെ നായികയാക്കി ‘എന്ന വിലൈ’ പാൻ ഇന്ത്യൻ ത്രില്ലർ ഫാമിലി ഡ്രാമയായി രൂപപ്പെടുത്തിയിരിക്കുന്നു. രാമേശ്വരം പശ്ചാത്തലമാക്കിയുള്ള കഥയിൽ കരുണാസും പ്രധാന വേഷത്തിൽ എത്തുന്നു. മൊട്ട രാജേന്ദ്രൻ, വിജയലക്ഷ്മി, ഷാഷ, വൈ.ജി. മഹേന്ദ്രൻ, പ്രവീണ തുടങ്ങിയവരും ചിത്രത്തിൽ പ്രധാന കഥാപാത്രങ്ങളായി.
ചെന്നൈയിലെ ഗോകുലം സ്റ്റുഡിയോ, മറ്റ് ഭാഗങ്ങൾ, രാമോജി ഫിലിം സിറ്റി എന്നിവിടങ്ങളിലാണ് ചിത്രീകരണം പൂർത്തിയാക്കിയത്. മലയാളി സാങ്കേതികപ്രതിഭകളുടെ സംഭാവനയും ചിത്രത്തിന്റെ പ്രത്യേകതയായി.
Photo and News Source: Kairali News
