മുംബൈ: ഇന്ത്യയിൽ നിന്നുള്ള ആപ്പിളിന്റെ ഐഫോൺ കയറ്റുമതി 2025-26 സാമ്പത്തികവർഷത്തിൽ 2,00,000 കോടി രൂപ കടന്നു. കേന്ദ്രസർക്കാരിന്റെ പി. എൽ. ഐ. പദ്ധതിയുടെ കാലാവധി അവസാനിക്കുന്ന വർഷത്തിലാണ് ഈ ചരിത്ര നേട്ടം കൈവരിച്ചത്. 2021-22-ൽ 9,351. 6 കോടി രൂപയിൽ തുടങ്ങിയ കയറ്റുമതി, 2023-24-ൽ 85,000 കോടിയും 2024-25-ൽ 1. 50 ലക്ഷം കോടിയുമായി ഉയർന്നു. ടാറ്റാ ഇലക്ട്രോണിക്സ്, ഫോക്സ്കോൺ എന്നിവയുടെ ഉത്പാദന ശ്രമങ്ങളാണ് ഈ വളർച്ചയ്ക്ക് കാരണം.
‘മെയ്ക്ക് ഇൻ ഇന്ത്യ’ പദ്ധതിക്കും ഇത് ശക്തി പകർന്നു. ആപ്പിളിന്റെ ഉത്പാദന ശൃംഖലയിൽ 40 ആഭ്യന്തര കമ്പനികളും വിദേശ കമ്പനികളും ഉൾപ്പെടുന്നു. ഇന്ത്യയിൽ നിന്നുള്ള ഏറ്റവും വലിയ കയറ്റുമതി ബ്രാൻഡായി ആപ്പിൾ മാറിയെന്നത് പ്രാധാന്യമർഹിക്കുന്നു.
Photo and News Source: Mathrubhumi
