ഹോർമൂസ് കടലിടുക്കിലെ നാവിക ഉപരോധം അവസാനിപ്പിക്കാൻ ഇറാൻ പ്രസിഡന്റ് മസൂദ് പെസഷ്കിയാൻ അമേരിക്കയ്ക്ക് അന്ത്യശാസനം നൽകി. ഉപരോധം യുദ്ധത്തിന് തുല്യമാണെന്നും, ഇനി ക്ഷമിക്കാനാകില്ലെന്നും അദ്ദേഹം മുന്നറിയിപ്പ് നൽകി. പശ്ചിമേഷ്യയിൽ അമേരിക്ക പരാജയപ്പെട്ടെന്നും ഇറാന്റെ ക്ഷമയെല്ലാം ലോകം കണ്ടതാണെന്നും പെസഷ്കിയാൻ വ്യക്തമാക്കി. നാവിക ഉപരോധം തുടരുന്നത് ഇറാന് സഹിക്കാനാവില്ലെന്നും, ഇനി തുടരുകയാണെങ്കിൽ കടുത്ത തീരുമാനമെടുക്കുമെന്നും അദ്ദേഹം അറിയിച്ചു.
ഇറാന്റെ പരമോന്നത നേതാവ് മുജ്തബ ഖമനെയി അമേരിക്കയുടെ ആണവ, മിസൈൽ ശേഷികളെ വെല്ലുവിളിച്ചതോടെ സംഘർഷം കൂടുതൽ സങ്കീർണ്ണമായി. ഹോർമൂസ് നിയന്ത്രിക്കാൻ ഇറാൻ ഏർപ്പെടുത്തിയ പുതിയ സംവിധാനം മേഖലയ്ക്ക് പുരോഗതി നൽകുമെന്നും, ഭാവിയിൽ അമേരിക്കയ്ക്ക് ഇവിടെ സ്ഥാനമുണ്ടാകില്ലെന്നുമാണ് നേതാവിന്റെ സന്ദേശം. അമേരിക്ക-ഇറാൻ സമാധാന ചർച്ചകളുടെ ഭാവി സംശയാസ്പദമായി മാറി.
Photo and News Source: Asianet News
