തിരുവനന്തപുരത്ത് കേരള സംസ്ഥാന ചലച്ചിത്ര അക്കാദമി സംഘടിപ്പിച്ച ത്രിദിന ചലച്ചിത്രാസ്വാദന ക്യാമ്പ് സമാപിച്ചു. ഏപ്രിൽ 28 മുതൽ 30 വരെയുള്ള ദിവസങ്ങളിൽ കഴക്കൂട്ടം കിന്ഫ്ര ഫിലിം ആന്റ് വീഡിയോ പാർക്കിലെ രാമു കാര്യാട്ട് സ്ക്രീനിൽ നടന്ന പ്രദർശനത്തിൽ ലോകസിനിമയുടെ പരിണാമം പ്രതിപാദിക്കുന്ന 19 സിനിമകൾ പ്രദർശിപ്പിച്ചു.
27 വിദ്യാർത്ഥികളാണ് ക്യാമ്പിൽ പങ്കെടുത്തത്. ഇൻസ്റ്റിറ്റ്യൂട്ട് ഓഫ് ജേണലിസം അധ്യാപകൻ ഡോ. ബാബു ഗോപാലകൃഷ്ണൻ ക്യാമ്പിന് നേതൃത്വം നൽകി. വ്യാഴാഴ്ച നടത്തിയ സമാപനച്ചടങ്ങിൽ ചലച്ചിത്ര അക്കാദമി സെക്രട്ടറി സി. അജോയ്, പ്രസ് ക്ലബ് സെക്രട്ടറി പി. ആർ. പ്രവീണ്, ട്രഷറർ വിനീഷ് വി, ചലച്ചിത്ര അക്കാദമി ട്രഷറർ ആർ. ശ്രീലാൽ, ഡെപ്യൂട്ടി ഡയറക്ടർ (പ്രോഗ്രാമുകൾ) എൻ. പി. സജീഷ് എന്നിവർ പങ്കെടുത്തു.
വിദ്യാർത്ഥി രൂപേഷ് എം. നന്ദി ക്യാമ്പിന്റെ അനുഭവങ്ങൾ പങ്കുവെച്ചു. ടൈംലെസ് ടെയിൽസ്, ദ ഗ്രേറ്റ് ട്രെയിൻ റോബറി, ലാ സ്ട്രാഡ, സെവൻത് സീൽ, ഹിരോഷിമ മോണമർ, സിറ്റിസൺ കെയ്ൻ തുടങ്ങിയ പ്രശസ്ത സിനിമകൾ പ്രദർശിപ്പിച്ചു. വിദ്യാർത്ഥികൾ ക്യാമ്പിന്റെ അനുഭവങ്ങൾ പങ്കുവച്ചു.
Photo and News Source: Sathyam Online
