സന്തോഷ് ഏച്ചിക്കാനത്തിന്റെ ആദ്യനോവലായ 'മാതംഗലീല' മാതൃഭൂമി ബുക്സിലൂടെ പ്രസിദ്ധീകരിച്ചു. ജാതി, അധികാരം, ഭീകരത എന്നിവയുടെ പ്രതിഫലനമായ ഈ കൃതി, സാധാരണ മനുഷ്യരുടെ നിലനിൽപ്പിന്റെയും പോരാട്ടത്തിന്റെയും ഓർമ്മപ്പെടുത്തലാണ്.
എഴുപതുകളിലെ കേരളീയ സാമൂഹ്യരാഷ്ട്രീയ ചുറ്റുപാടുകളിലൂടെയാണ് കഥ സഞ്ചരിക്കുന്നത്. ജാതീയതയുടെ ഭീകരതയും അതിന്റെ എതിരാളികളുടെ ചെറുത്തുനിൽപ്പും പോരാട്ടവും കഥയിലൂടെ തെളിയുന്നു. ഒടിവിദ്യയിലൂടെ ആനയായി മാറേണ്ടി വരുന്ന ബാലകൃഷ്ണന്റെ പ്രതികാര കഥയാണ് ഉപരിതലത്തിൽ.
എന്നാൽ, തെച്ചോരൻ എന്ന കരുത്തുള്ള കഥാപാത്രമാണ് നോവലിന്റെ അടിയൊഴുക്കിനെ നിയന്ത്രിക്കുന്നത്. ജാതി എന്ന ഭീകരജന്തുവിനെ നശിപ്പിക്കാതെ യാതൊരു പരിഷ്കരണവും സാധ്യമല്ലെന്ന അംബേദ്കറുടെ വാദം ഈ കൃതിയിൽ പ്രതിഫലിക്കുന്നു. മാനസികാഭാവത്തിന്റെ മാറ്റത്തിലൂടെയാണ് ജാതിനശീകരണം സാധ്യമാകുന്നത്.
Photo and News Source: Mathrubhumi
