കൊച്ചി: ഹജ്ജ് തീർത്ഥാടനത്തിനുള്ള ആദ്യ സംഘം ഇന്ന് കൊച്ചിയിലെ നെടുമ്പാശ്ശേരി വിമാനത്താവളത്തിൽ നിന്ന് ഉച്ചയ്ക്ക് 2.10-ന് പുറപ്പെടും. 430 തീർത്ഥാടകരുമായി യാത്രയാകുന്ന ആദ്യ വിമാനം, സംസ്ഥാന ഹജ്ജ് ക്യാംപിന്റെ തുടക്കം കുറിച്ചു. കഴിഞ്ഞ വർഷം സൗദി എയർലൈൻസ് നടത്തിയിരുന്ന സേവനം, ഈ വർഷം ഫ്ലൈനാസ് എയർലൈൻസിന് കൈമാറി.
നെടുമ്പാശ്ശേരിയിൽ നിന്ന് മൊത്തം 7,943 തീർത്ഥാടകർ ഹജ്ജിനായി യാത്ര തിരിക്കും. കേരളത്തിലെ മൂന്ന് ഹജ്ജ് എംബാർക്കേഷൻ പോയിന്റുകളിൽ നിന്നുമായി 13,194 പേർ ഹജ്ജ് യാത്രയിൽ പങ്കെടുക്കും. കണ്ണൂരിൽ നിന്ന് മെയ് 6 മുതൽ 14 വരെയും, കോഴിക്കോട് നിന്ന് മെയ് 14 മുതൽ 17 വരെയും വിമാന സർവീസുകൾ ക്രമീകരിച്ചിരിക്കുന്നു.
Photo and News Source: Samakalika Malayalam
