കൊറിയർ ഡെലിവറി തട്ടിപ്പിന്റെ പുതിയ രീതി കണ്ടെത്തിയിട്ടുണ്ട്. പ്രൊഫഷണലായി നടത്തുന്ന ഈ തട്ടിപ്പിൽ, ബ്ലൂ ഡാർട്ട് പോലുള്ള പ്രശസ്ത കൊറിയർ സർവീസുകളുടെ പേരിൽ ആളുകളെ വിളിച്ച്, പാർസൽ ഡെലിവറി സംബന്ധിച്ച തെറ്റിദ്ധാരണയിലാക്കുന്നു. തുടർന്ന്, ഡെലിവറി ബോയിയുടെ നമ്പർ എന്ന പേരിൽ നൽകുന്ന ഫോൺ നമ്പറിലേക്ക് വിളിക്കാൻ ആവശ്യപ്പെടുന്നു. ഈ നമ്പറിലേക്ക് 21# ചേർത്ത് ഡയൽ ചെയ്യാൻ നിർദ്ദേശിക്കുന്നു. ഇത് ഫോണിലെ ‘കോൾ ഫോർവേഡിംഗ്’ സംവിധാനം ആക്റ്റിവേറ്റ് ചെയ്യും.
തുടർന്ന് എല്ലാ ഇൻകമിംഗ് കോളുകളും തട്ടിപ്പുകാരുടെ നമ്പറിലേക്ക് മാറും. ഇതിനാൽ ബാങ്ക് ഇടപാടുകളുടെ OTP പോലുള്ള രഹസ്യ വിവരങ്ങൾ തട്ടിപ്പുകാർക്ക് ലഭിക്കാനുള്ള സാധ്യതയുണ്ട്. അത്തരം കോളുകൾ ലഭിച്ചാൽ, ഔദ്യോഗിക വെബ്സൈറ്റുകൾ വഴി മാത്രം വിവരങ്ങൾ പരിശോധിക്കാൻ ശുപാർശ ചെയ്യുന്നു.
Photo and News Source: Kairali News
