ന്യൂഡൽഹിയിൽ വച്ച്, പ്രീ-പ്രൈമറി ക്ലാസുകളിലേക്കുള്ള പ്രവേശനം 'ദേശീയ ദൗത്യമായി' കാണണമെന്ന് സുപ്രീം കോടതി വ്യക്തമാക്കി. വിദ്യാഭ്യാസ അവകാശ നിയമത്തിന് കീഴിൽ സ്വകാര്യ സ്കൂളുകൾക്ക് പ്രവേശനം നിഷേധിക്കാനുള്ള അധികാരമില്ലെന്നും കോടതി വ്യക്തമാക്കി.
ലക്നൗ പബ്ലിക് സ്കൂളിൽ 2024-25 അധ്യയന വർഷത്തേക്ക് പ്രവേശനം ലഭിച്ച ഒരു പെൺകുട്ടിയുടെ പ്രവേശനം സ്കൂൾ അധികൃതർ തടഞ്ഞു. ഈ കേസിൽ വിദ്യാലയ മാനേജ്മെന്റിന്റെ അപ്പീൽ സുപ്രീം കോടതി തള്ളിക്കൊണ്ട് വിധി പ്രഖ്യാപിച്ചു. ജസ്റ്റിസുമാരായ പി എസ് നരസിംഹ, അലോക് ആരാധെ എന്നിവരടങ്ങിയ ബെഞ്ചാണ് ഈ വിധി പുറപ്പെടുവിച്ചത്.
വിദ്യാഭ്യാസ അവകാശ നിയമത്തിലെ സെക്ഷൻ 12 പ്രകാരം, സാമൂഹികവും സാമ്പത്തികവുമായി പിന്നാക്കം നിൽക്കുന്ന കുട്ടികൾക്കായി 25 ശതമാനം സീറ്റുകൾ മാറ്റിവെക്കണമെന്ന് കോടതി ചൂണ്ടിക്കാട്ടി. സർക്കാർ തയ്യാറാക്കുന്ന ലിസ്റ്റിൽ മാറ്റം വരുത്താനുള്ള അധികാരം സ്വകാര്യ സ്കൂളുകൾക്കില്ല. ലിസ്റ്റ് ലഭിച്ചാൽ ഉടൻ പ്രവേശനം നൽകണം.
Photo and News Source: Kerala Online News
