മെയ് ഒന്നിന് മുതൽ രാജ്യത്ത് സിഗരറ്റ് വിലയിൽ 17 ശതമാനം വരെ വർദ്ധനയുണ്ടാകാനുള്ള സാധ്യതയുണ്ട്. പ്രമുഖ നിർമ്മാതാക്കളായ ഐടിസി ലിമിറ്റഡും ഗോഡ്ഫ്രെ ഫിലിപ്സ് ഇന്ത്യ ലിമിറ്റഡും തങ്ങളുടെ ബ്രാൻഡുകൾക്ക് വില കൂട്ടാൻ തയ്യാറാണ്.
ഫെബ്രുവരിയിൽ സർക്കാർ എക്സൈസ് തീരുവ ഉയർത്തിയതിന് ശേഷം നടക്കുന്ന രണ്ടാമത്തെ വില പരിഷ്കരണമാണിത്. ഗോൾഡ് ഫ്ലേക്ക് പ്രീമിയം, ക്ലാസിക്, മാൾബോറോ തുടങ്ങിയ ബ്രാൻഡുകളുടെ വിലയിലും ഗണ്യമായ ഉയർച്ചയുണ്ടാകും. ഉദാഹരണത്തിന്, 115 രൂപയുണ്ടായിരുന്ന ഗോൾഡ് ഫ്ലേക്ക് പ്രീമിയം പാക്കറ്റ് 135 രൂപയാകാനിടയുണ്ട്.
നികുതി വർദ്ധനവ് മൂലമുള്ള അധിക ചിലവ് നികത്താനും ലാഭം നിലനിർത്താനുമാണ് കമ്പനികൾ വില കൂട്ടാൻ തീരുമാനിച്ചത്. വില വർദ്ധനവ് പ്രതീക്ഷിച്ച് ഓഹരി വിപണിയിൽ സിഗരറ്റ് കമ്പനികളുടെ ഓഹരികൾ ഉയർന്നേക്കാം. എന്നാൽ, തുടർച്ചയായ വിലക്കയറ്റം ഉപഭോക്താക്കളെ വിലകുറഞ്ഞ ബദലുകളിലേക്ക് നയിക്കുന്നുമെന്ന് വിതരണക്കാർ റിപ്പോർട്ട് ചെയ്യുന്നു. ഏപ്രിലിൽ സിഗരറ്റ് വിൽപ്പന 20 ശതമാനം കുറഞ്ഞതായും അവർ സൂചിപ്പിക്കുന്നു.
Photo and News Source: Malayalam Express
