കൊച്ചി: തിരഞ്ഞെടുപ്പ് കമ്മിഷനുവേണ്ടി രാവും പകലും പ്രവർത്തിച്ച 20,000-ലധികം ഉദ്യോഗസ്ഥർക്ക് പോസ്റ്റൽ വോട്ടുചെയ്യാനുള്ള അവസരം നിഷേധിച്ചെന്ന ആരോപണം ഹൈക്കോടതി ശക്തമായി വിമർശിച്ചു. ‘എന്തിനാണ് ഈ വാശി? ഒന്നും ചെയ്യാനാകില്ലെന്ന് കമ്മിഷൻ പറയുന്നതാണോ?’ എന്ന് ജസ്റ്റിസ് കെ.വി. ജയകുമാർ ചോദിച്ചു.
ഹർജി പരിഗണിച്ച കോടതി, തിരഞ്ഞെടുപ്പ് നടപടികൾ തടസ്സപ്പെടുത്താതെ കമ്മിഷൻ ഇടപെടണമെന്ന് വാദിച്ച ഹർജിക്കാരുടെ നിലപാടിനെ അനുകൂലിച്ചു. ‘വോട്ടവകാശം ഉള്ള എല്ലാവർക്കും വോട്ട് ചെയ്യാനാവുന്ന സൗകര്യം ഒരുക്കാൻ കമ്മിഷന് ചുമതലയുണ്ട്’ എന്നും ഓർമ്മിപ്പിച്ചു.
‘എല്ലാത്തിനും ചട്ടങ്ങളുണ്ടാകും. എന്നാൽ, സാഹചര്യങ്ങൾക്ക് അനുസരിച്ച് ഉയരണം. സിസ്റ്റം ശരിയായി പ്രവർത്തിക്കുന്നില്ലെങ്കിൽ, അത് ശരിയാക്കണം’ എന്നും കോടതി നിർദ്ദേശിച്ചു. ഹർജിക്കാർ ഉന്നയിച്ച വിഷയത്തിൽ കമ്മിഷൻ തീരുമാനമെടുക്കണമെന്നും ആരൊക്കെ അപേക്ഷ നൽകി, ആരൊക്കെ വോട്ട് ചെയ്തു എന്ന വിവരങ്ങൾ സത്യവാങ്മൂലം ഫയൽ ചെയ്യണമെന്നും നിർദ്ദേശിച്ചു.
കമ്മിഷന്റെ വീഴ്ചയ്ക്കെതിരെ കോടതി രൂക്ഷമായി പ്രതികരിച്ചു. ‘വോട്ടുചെയ്യാനുള്ള അവസരം നിഷേധിക്കുന്നത് നിർഭാഗ്യകരമാണ്’ എന്നും അഭിപ്രായപ്പെട്ടു.
Photo and News Source: Mathrubhumi
