ജിദ്ദ: ഗൾഫ് സഹകരണ കൗൺസിൽ (ജിസിസി) അംഗരാജ്യങ്ങളുടെ ഉച്ചകോടി ചൊവ്വാഴ്ച ജിദ്ദയിൽ വച്ച് സൗദി കിരീടാവകാശി മുഹമ്മദ് ബിൻ സൽമാൻ അധ്യക്ഷത വഹിച്ചു. പ്രാദേശികവും അന്തർദേശീയവുമായ സംഘർഷങ്ങൾ പരിഹരിക്കുന്നതിനായി നേതാക്കൾ ചർച്ചകൾ നടത്തി. ജിസിസി നേതാക്കളെ സ്വീകരിക്കാൻ വിമാനത്താവളത്തിൽ എത്തിയ കിരീടാവകാശി, കുവൈത്ത്, ബഹ്റൈൻ, ഖത്തർ നേതാക്കളെ നേരിട്ട് സ്വീകരിച്ചു. യുഎഇ പ്രതിനിധിയെ സൗദി വിദേശകാര്യ മന്ത്രി സ്വീകരിച്ചു.
അമേരിക്ക-ഇറാൻ ബന്ധത്തിൽ പാകിസ്ഥാൻ മധ്യസ്ഥതയിൽ നടക്കുന്ന നയതന്ത്ര ശ്രമങ്ങൾ ഉച്ചകോടി പരിശോധിച്ചു. ഗൾഫ് രാജ്യങ്ങൾ തമ്മിലുള്ള സംയുക്ത ഏകോപനത്തിലൂടെ സുരക്ഷയും സാമ്പത്തിക നേട്ടങ്ങളും സംരക്ഷിക്കുന്നതിനുള്ള നടപടികൾ ചർച്ച ചെയ്തു.
Photo and News Source: Mathrubhumi
