മുംബൈ: മറാഠി ഭാഷാ പരിജ്ഞാനമില്ലാത്ത ഓട്ടോ, ടാക്സി ഡ്രൈവർമാരുടെ പെർമിറ്റ് റദ്ദാക്കുമെന്നുള്ള പുതിയ ഉത്തരവിന് സമയപരിധി നീട്ടി സർക്കാർ.
മേയ് 1-ന് പകരം ഓഗസ്റ്റ് 15 വരെ സമയപരിധി നിശ്ചയിച്ചു. ഗതാഗതമന്ത്രി പ്രതാപ് സർനായക് ഇത് പ്രഖ്യാപിച്ചു. പുതിയ ഉത്തരവ് നടപ്പിലാക്കുന്നതിൽ ഡ്രൈവർമാരുടെ പ്രതികരണം കാരണമാണ് സമയപരിധി നീട്ടിയത്.
ഏപ്രിൽ 16-ന് മഹാരാഷ്ട്ര സർക്കാർ ഈ ഉത്തരവിറക്കിയിരുന്നു. ഓട്ടോ, ടാക്സി യുണിയനുകൾ ഇതിൽ പ്രതിഷേധം പ്രകടിപ്പിച്ചു. സമയപരിധി നീട്ടിയതിനെ തുടർന്ന് മേയ് 1-ന് ബോധവത്കരണം ആരംഭിക്കും.
ഓഗസ്റ്റ് 15 വരെ മറാഠി അറിയാത്ത ഡ്രൈവർമാരെതിരെ നടപടി ഉണ്ടാകില്ല. ഗതാഗതവകുപ്പ് ഡ്രൈവർമാർക്ക് ആർ.ടി. ഓഫീസുകളിൽ മറാഠി പഠിക്കാനുള്ള സൗകര്യം ഏർപ്പെടുത്തിയിരിക്കുന്നു. മുംബൈയിലും മറ്റ് നഗരങ്ങളിലും ഭൂരിഭാഗം ഡ്രൈവർമാരും മറ്റു സംസ്ഥാനങ്ങളിൽ നിന്നുള്ളവരാണ്.
Photo and News Source: Mathrubhumi
