തിരുവനന്തപുരം: സംസ്ഥാനത്ത് ഇനി മുതൽ വൈകിട്ട് 6 മുതൽ 12 വരെയുള്ള സമയത്ത് അര മണിക്കൂർ വരെ ലോഡ് ഷെഡ്ഡിങ്ങ് നടക്കും. പ്രകൃതി ചതിച്ചതിനാലാണ് ഈ നിയന്ത്രണമെന്ന് വൈദ്യുതി മന്ത്രി അവകാശപ്പെടുന്നു. കേന്ദ്ര നിലയങ്ങളിൽ നിന്നുള്ള 200 മെഗാവാട്ട് വൈദ്യുതി കുറവ് പരിഹരിക്കാൻ വൈകീട്ടോടെ കഴിയുമെന്ന് കെഎസ്ഇബി അറിയിച്ചു.
വൈദ്യുതി വിതരണ ശൃംഖലയ്ക്ക് ആഘാതം ഒഴിവാക്കാനാണ് ഈ നിയന്ത്രണമെന്ന് വിശദീകരിക്കുന്നു. പീക്ക് അവറിൽ ലോഡ് ഷെഡ്ഡിങ്ങ് ആവശ്യമാണെന്ന് കെഎസ്ഇബി ഉന്നതതല യോഗത്തിൽ തീരുമാനിച്ചു. കഴിഞ്ഞ ദിവസങ്ങളിൽ കെഎസ്ഇബി നടത്തിയിരുന്ന നിയന്ത്രണമാണ് ഇപ്പോൾ ഔദ്യോഗികമായി പ്രഖ്യാപിച്ചത്.
വേനൽക്കാല മുന്നൊരുക്കം നടത്തിയില്ലെന്ന് റെഗുലേറ്ററി കമ്മീഷൻ വിമർശിക്കുന്നുണ്ടെങ്കിലും, പ്രകൃതിയുടെ ചതിയെന്നാണ് മന്ത്രി വാദിക്കുന്നത്. കൂടിയ വിലക്ക് 250 മെഗാവാട്ട് വാങ്ങാൻ അനുമതി ലഭിച്ചെങ്കിലും, കറണ്ട് ലഭ്യത ഇല്ലാത്ത അവസ്ഥ തുടരുന്നു. നാളെ തീരുമാനം ഉണ്ടാകുമെന്ന് പ്രതീക്ഷിക്കുന്നു. 6 മുതൽ 12 വരെയുള്ള സമയത്ത് വാഹന ചാർജ്ജിംഗ്, എസി ഉപയോഗം നിരോധിച്ചിരിക്കുന്നു. 24 ഡിഗ്രിയിലേക്ക് താപനില ക്രമീകരിക്കുകയും, ഇൻഡക്ഷൻ കുക്കറുകൾ ഉപയോഗിക്കരുതെന്നും നിർദേശമുണ്ട്.
Photo and News Source: Asianet News
