ഹോംലി മീൽസ്, ബെൻ, പൊമ്പളൈ ഒരുമൈ, മ്യൂസിക്കൽ ചെയർ തുടങ്ങിയ ചിത്രങ്ങളുടെ ശേഷം വിപിൻ ആറ്റ്ലി സംവിധാനം ചെയ്യുന്ന ‘ആന്റപ്പന്റെ അത്ഭുത പ്രവർത്തികൾ’ എന്ന കോമഡി ഫാന്റസി ചിത്രത്തിന്റെ വീഡിയോ ഗാനം റിലീസായി.
വിപിൻ ആറ്റ്ലിയുടെ വരികൾക്ക് ഗോപി സുന്ദർ സംഗീതം പകർന്ന ഈ ഗാനം നിരഞ്ജന് സുരേഷ് ആലപിച്ചു. സ്വതന്ത്രമായ അവതരണശൈലിയിലൂടെ ശ്രദ്ധേയനായ വിപിൻ ആറ്റ്ലി, ഈ ചിത്രം വേഗം തന്നെ പ്രദർശനത്തിനെത്തുമെന്ന് പ്രതീക്ഷിക്കുന്നു.
ഡോമിനിക്, കലേഷ് കണ്ണാട്ട്, ജെറി ജെക്കബ്, സൂരജ് ടോം, രഞ്ജിനി മേനോൻ, ശർമാജി, ജോസ് മുനമ്പം, മോസപ്പൻ, ഡിക്സൺ പൊടുത്താസ്, ഷാഫി ചെമ്മാട്, ഉണ്ണി ശിവപാൽ, ട്വിങ്കിൾ ജോബി, മഞ്ജുശ്രീ, ശ്രീജ ദാസ് എന്നിവർ പ്രധാന വേഷങ്ങളിൽ എത്തുന്നു.
മാക്രോം പിക്ച്ചേഴ്സ് അവതരിപ്പിക്കുന്ന ഈ ചിത്രത്തിന്റെ ഛായാഗ്രഹണം സന്തോഷ് അനിമയും എഡിറ്റിംഗ് രാജേഷ് കോടോത്ത്, ഗോപകുമാർ നമ്പ്യാർ, പി ആർ ഒ-എസ് ദിനേശും നിർവഹിക്കുന്നു.
Photo and News Source: Kerala Online News
