ആൻഡമാൻ നിക്കോബാർ പോലീസ് ഗ്രൂപ്പ്-ബി, ഗ്രൂപ്പ്-സി തസ്തികകളിലേക്ക് 495 ഒഴിവുകളിൽ നിയമനം നടത്താനൊരുങ്ങുന്നു. 10-ാം ക്ലാസ് മുതൽ ബിരുദം വരെയുള്ള യോഗ്യതയുള്ളവർക്ക് അപേക്ഷിക്കാം. അപേക്ഷ സമർപ്പിക്കാനുള്ള അവസാന തീയതി മേയ് 17 ആണ്.
സബ് ഇൻസ്പെക്ടർ, കോൺസ്റ്റബിൾ, റേഡിയോ ഓപ്പറേറ്റർ, ഫയർമാൻ തുടങ്ങിയ വിവിധ തസ്തികകൾ ഉൾപ്പെടുന്നു. പ്രായപരിധി തസ്തിക അനുസരിച്ച് വ്യത്യാസപ്പെടുന്നു. എസ്.ഐ തസ്തികകൾക്ക് 18 മുതൽ 30 വയസ് വരെ. കോൺസ്റ്റബിൾ പോലുള്ള തസ്തികകൾക്ക് 18 മുതൽ 33 വയസ് വരെ (17/05/2026 അടിസ്ഥാനമാക്കി) അനുവദനീയമാണ്.
വിദ്യാഭ്യാസ യോഗ്യത അനുസരിച്ച് വിവിധ തസ്തികകൾ ലഭ്യമാണ്. ഉദാഹരണത്തിന്, സബ് ഇൻസ്പെക്ടർ (എക്സിക്യൂട്ടീവ്) പോലുള്ള തസ്തികകൾക്ക് ബിരുദം ആവശ്യമാണ്. കൂടാതെ, ഭൂരിഭാഗം തസ്തികകൾക്കും സാധുവായ LMV ഡ്രൈവിംഗ് ലൈസൻസ് ആവശ്യമാണ്. സാങ്കേതിക യോഗ്യതകളും ആവശ്യമുണ്ട്. ഫിറ്റർ, ഇലക്ട്രീഷ്യൻ, ഡീസൽ മെക്കാനിക് പോലുള്ള തസ്തികകൾക്ക് പ്രത്യേക പരിശീലനം ആവശ്യമാണ്.
Photo and News Source: Samakalika Malayalam
