തിരുവനന്തപുരം: സംസ്ഥാനത്ത് വൈദ്യുതി ദൗർലഭ്യം നേരിടുന്നതിനാൽ കേരള സ്റ്റേറ്റ് ഇലക്ട്രിസിറ്റി ബോർഡ് (കെഎസ്ഇബി) ലോഡ് ഷെഡ്ഡിംഗ് ഏർപ്പെടുത്തിയിരിക്കുന്നു. വൈകുന്നേരം 6 മണി മുതൽ രാത്രി 12 മണി വരെയുള്ള സമയത്ത് അരമണിക്കൂർ വൈദ്യുതി നിർത്തലാക്കും. വാഹന ചാർജിംഗും ഇൻഡക്ഷൻ കുക്കറും ഈ സമയത്ത് ഒഴിവാക്കണമെന്നും നിർദ്ദേശമുണ്ട്.
വൈദ്യുതി ഉപഭോഗം 115 ദശലക്ഷം യൂണിറ്റായി ഉയർന്നതിനാലാണ് ഈ നടപടി. അത്യാവശ്യത്തിനുമാത്രം എയർ കണ്ടീഷണർ ഉപയോഗിക്കണമെന്നും 24-26 ഡിഗ്രിയിൽ സെറ്റ് ചെയ്യണമെന്നും നിർദ്ദേശിക്കുന്നു. നിലവിലെ പ്രതിസന്ധിക്ക് വൈദ്യുതി ആവശ്യകതയിലെ അപ്രതീക്ഷിത വർദ്ധനയാണ് കാരണം.
പ്രതിവർഷം ഉണ്ടാകുന്ന ശരാശരി വളർച്ചയേക്കാൾ വളരെ കൂടുതലാണ് ഈ വർഷത്തെ വൈദ്യുതി ആവശ്യകത. പീക്ക് ലോഡ് മാനേജ്മെന്റിന്റെ ഭാഗമായി 10 മുതൽ 30 മിനിറ്റ് വരെ വൈദ്യുതി കട്ട് ചെയ്യുന്നുണ്ട്.
Photo and News Source: Janmabhumi
