ഷിയാസ് കരീമിനെതിരെ പുതിയ തെളിവുകൾ പുറത്തുവന്നു. യുവതിയെ ഭീഷണിപ്പെടുത്തി പണം തട്ടിയ കേസിലാണ് ഇത്. യുവതിയോട് ഷിയാസ് നടത്തിയ സംഭാഷണത്തിന്റെ ശബ്ദ സന്ദേശങ്ങളാണ് പുറത്തുവന്നത്. ‘നീ ചുമ്മാ കിടന്ന് കൊഞ്ചല്ലേ, എന്റെ ഫോട്ടോ അധികമൊന്നും ഇടണ്ട’ എന്നിങ്ങനെ അശ്ലീല ഭാഷയിൽ സംസാരിക്കുന്നതായി കേൾക്കാം.
‘20 ലക്ഷം രൂപ വാങ്ങിയത് തീര്ക്കണമെന്നാണ് എന്റെ മനസ്’ എന്നും ഷിയാസ് പറയുന്നുണ്ട്. യുവതിയുടെ സുഹൃത്തിൽ നിന്ന് പത്തുലക്ഷം രൂപ കടം വാങ്ങാനും അദ്ദേഹം ആവശ്യപ്പെടുന്നു. ‘എവിടുന്നേലും പൈസ കിട്ടാന് വഴിയുണ്ടോ?’ എന്നും അദ്ദേഹം ചോദിക്കുന്നു.
യുവതി സാമ്പത്തികമായും ലൈംഗികമായും ചൂഷണം ചെയ്യപ്പെട്ടെന്നാണ് പരാതി. 65 ലക്ഷം രൂപ തട്ടിയെടുത്തെന്ന ആരോപണവുമാണ് യുവതി ഉന്നയിച്ചത്. നടനെതിരെ കടുത്ത നടപടിക്ക് ആവശ്യമുണ്ടെന്ന് സാമൂഹ്യമാധ്യമങ്ങളിൽ പ്രതികരണം ഉയരുന്നു.
Photo and News Source: Janmabhumi
