നാളെ (ഏപ്രിൽ 29) അഞ്ച് സംസ്ഥാനങ്ങളിലേക്കുള്ള നിയമസഭാ തിരഞ്ഞെടുപ്പ് പൂർത്തിയാകുന്നു. ഇതോടെ, എൽ.പി.ജി സിലിണ്ടർ വിതരണത്തിൽ കൂടുതൽ നിയന്ത്രണങ്ങൾ ഏർപ്പെടുത്താൻ എണ്ണ കമ്പനികൾ തയ്യാറാകുന്നു. പശ്ചിമേഷ്യയിലെ സംഘർഷം നിലനിൽക്കുന്ന സാഹചര്യത്തിൽ, മേയ് ഒന്നോടെ വിതരണ ശൃംഖലയിലെ സുതാര്യത ഉറപ്പാക്കുന്നതിനും സബ്സിഡി സിലിണ്ടറുകളുടെ ദുരുപയോഗം തടയുന്നതിനുമാണ് ഈ നടപടി.
എൽ.പി.ജി സിലിണ്ടറുകളുടെ വില വർധിപ്പിക്കാനും സാധ്യതയുണ്ടെന്ന റിപ്പോർട്ടുകൾ ഉയരുന്നു. സിലിണ്ടർ ബുക്കിംഗ് ഇടവേളകളിൽ മാറ്റം വരുത്തി, നഗരപ്രദേശങ്ങളിൽ 25 ദിവസവും ഗ്രാമപ്രദേശങ്ങളിൽ 45 ദിവസവും ഇടവേള നിർബന്ധിതമാക്കി. ഈ പരിഷ്കാരങ്ങൾ 2022-ൽ തന്നെ നടപ്പിലാക്കിയിരുന്നു. ഒ.ടി.പി അധിഷ്ഠിത വിതരണ സംവിധാനവും നിലവിൽ വന്നു. നിലവിൽ ഓൺലൈൻ ബുക്കിംഗ് 98% ആണെങ്കിലും ഡെലിവറി ഓഥന്റിക്കേഷൻ 94% മാത്രമാണ്.
Photo and News Source: Dhanam
