പാകിസ്ഥാനിലെ ഖൈബർ പഖ്തുന്ഖ്വ പ്രവിശ്യയിൽ വെടിയേറ്റു മരിച്ചു. മുംബൈ ഭീകരാക്രമണത്തിന്റെ മുഖ്യശില്പിയായ ഹാഫിസ് സയീദിന്റെ അടുത്ത അനുയായിയും നിരോധിത സംഘടന ലഷ്കര്-ഇ-തൊയ്ബയുടെ നേതാവുമായ ഷെയ്ഖ് യൂസഫ് അഫ്രീദിയായിരുന്നു ഇദ്ദേഹം.
അജ്ഞാത തോക്കുധാരികളാണ് ലാന്ഡി കോട്ടലിൽ വെച്ച് ബൈക്കിലൂടെ എത്തി ഇയാളെ വെടിവച്ചു കൊന്നത്. സംഭവസ്ഥലത്തുതന്നെ മരണം സംഭവിച്ചു. ആക്രമണത്തിന്റെ ഉത്തരവാദിത്തം ഇതുവരെ ഏറ്റെടുക്കുന്ന സംഘടനകളൊന്നുമില്ല.
ലഷ്കര്-ഇ-തൊയ്ബയുടെ പ്രവർത്തനങ്ങൾ ഏകോപിപ്പിക്കുന്നതിലും പുതിയ ഭീകരപ്രവർത്തകരെ ചേര്ക്കുന്നതിലും അഫ്രീദിക്ക് നിർണ്ണായക പങ്കുണ്ടായിരുന്നു. അഹ്ലെ ഹദീസ് വിഭാഗത്തിന്റെ പ്രധാന നേതാവായിരുന്ന ഇദ്ദേഹം തെഹ്രീകെ താലിബാന് പോലുള്ള തീവ്രവാദ ഗ്രൂപ്പുകളുടെ വെല്ലുവിളികളും നേരിട്ടിരുന്നു.
ലഷ്കര്-ഇ-തൊയ്ബയുടെ സ്ഥാപക നേതാക്കളിലൊരാളായ അമീർ ഹംസയെ ലാഹോറിൽ വെടിവച്ചതിന് ശേഷം അഫ്രീദിയുടെ മരണം സംഭവിച്ചത് ശ്രദ്ധേയമാണ്. ലഷ്കര് കേന്ദ്രങ്ങളിൽ വലിയ അഭദ്രത സൃഷ്ടിച്ചിരിക്കുന്നു. നിലവിൽ ഹാഫിസ് സയീദ് ലാഹോറിലെ കോട്ട് ലഖ്പത് ജയിലിലാണ് ഭീകരവാദത്തിന് പണം നല്കിയ കേസിൽ ശിക്ഷ അനുഭവിക്കുന്നത്.
Photo and News Source: Janam TV
