കിർഗിസ്ഥാനിലെ ബിഷ്കെക്കിൽ നടന്ന ഷാങ്ഹായ് സഹകരണ സംഘടനയുടെ പ്രതിരോധ മന്ത്രിമാരുടെ ഉച്ചകോടിയിലാണ് കേന്ദ്ര പ്രതിരോധ മന്ത്രി രാജ്നാഥ് സിംഗ് ചൈനീസ്, റഷ്യൻ മന്ത്രിമാരുമായി ചർച്ചകൾ നടത്തിയത്. ചൊവ്വാഴ്ച നടന്ന കൂടിക്കാഴ്ചയിൽ ചൈനീസ് പ്രതിരോധ മന്ത്രി ഡോങ് ജുനുമായുള്ള സംഭാഷണം ശ്രദ്ധേയമായി. യഥാർഥ നിയന്ത്രണരേഖയിലെ നിലവിലെ പ്രശ്നങ്ങൾ ഇരുവരും വിലയിരുത്തിയതായി റിപ്പോർട്ടുണ്ട്. അതിര്ത്തിയിലെ സുരക്ഷാ സാഹചര്യങ്ങളും സംഭാഷണ വിഷയമായി. രാജ്നാഥ് സിംഗ് തന്റെ സോഷ്യൽ മീഡിയ പേജിലൂടെ ഈ കൂടിക്കാഴ്ചയെക്കുറിച്ച് അറിയിച്ചു.
റഷ്യൻ പ്രതിരോധ മന്ത്രി ആൻഡ്രി ബെലോസോവുമായും അദ്ദേഹം കൂടിക്കാഴ്ച നടത്തി. ഇരു രാജ്യങ്ങളുമായുള്ള പ്രതിരോധ ബന്ധം ശക്തിപ്പെടുത്തുന്നതിനെക്കുറിച്ചും സംസാരിച്ചു. രാജ്നാഥ് സിംഗ് ബിഷ്കെക്കിൽ എത്തിയത് തിങ്കളാഴ്ചയായിരുന്നു. മേഖലയിലെ സുരക്ഷാ വെല്ലുവിളികളും ഭീകരവാദ വിരുദ്ധ സഹകരണവും ഉച്ചകോടിയുടെ പ്രധാന ലക്ഷ്യങ്ങളായിരുന്നു.
Photo and News Source: Janam TV
