പത്തനംതിട്ടയിൽ നടന്ന സാംസ്കാരിക പരിപാടിയിൽ കുരീപ്പുഴ ശ്രീകുമാർ നടത്തിയ പ്രസംഗം തടസ്സപ്പെടുത്താനുള്ള ശ്രമം അപലപനീയമാണെന്ന് കേളി സെക്രട്ടറിയേറ്റ് വ്യക്തമാക്കി. സമകാലിക രാഷ്ട്രീയവും ദളിത്-വർഗീയ പീഡനങ്ങളും സംബന്ധിച്ച സംസാരത്തിനിടയിലായിരുന്നു സംഭവം. സാംസ്കാരിക വേദികളിലെ അഭിപ്രായ സ്വാതന്ത്ര്യത്തിന് നേരെയുള്ള ഈ കടന്നാക്രമണം ഭയാനകമാണെന്നും പ്രസ്താവനയിൽ പറയുന്നു.
കേരളം ജാതി-മത ഭേദമെന്യേ സുരക്ഷിതമായ ഇടമാണെന്ന കുരീപ്പുഴയുടെ പരാമർശം ചിലർക്കിടയിൽ അസഹിഷ്ണുതയ്ക്ക് ഇടയാക്കി. “ഇവിടെ രാഷ്ട്രീയം പറയാൻ പാടില്ല” എന്ന നിലപാടിനെ ശക്തമായി നിരാകരിച്ച കവി, താൻ ഒരു രാഷ്ട്രീയ കവിയാണെന്നും തന്റെ കവിതയിൽ രാഷ്ട്രീയം ഉണ്ടാകുമെന്നും വ്യക്തമാക്കി. രാജ്യത്തിന്റെ വിവിധ ഭാഗങ്ങളിൽ കലാകാരന്മാരെ നിശബ്ദരാക്കാനുള്ള ശ്രമങ്ങൾ നടക്കുന്ന സാഹചര്യത്തിൽ, കേരളത്തിന്റെ പുരോഗമന സാംസ്കാരിക മണ്ണിൽ ഇത്തരം പ്രവണതകൾ നടപ്പാകില്ലെന്ന് അദ്ദേഹം ben അറിയിച്ചു.
ഈ സംഭവത്തിൽ കേളി കലാ സാംസ്കാരിക വേദി ശക്തമായ പ്രതിഷേധം രേഖപ്പെടുത്തുകയും കുരീപ്പുഴ ശ്രീകുമാറിനോടൊപ്പം ഐക്യദാർഢ്യം പ്രഖ്യാപിക്കുകയും ചെയ്തു.
Photo and News Source: Sathyam Online
