ന്യൂഡൽഹി: 2026-ലെ നീറ്റ് യുജി പരീക്ഷയുടെ അഡ്മിറ്റ് കാർഡുകൾ ഏപ്രിൽ 27, തിങ്കളാഴ്ച രാവിലെ 10 മണിയോടെ പ്രസിദ്ധീകരിക്കുമെന്ന് നാഷണൽ ടെസ്റ്റിങ് ഏജൻസി പ്രഖ്യാപിച്ചു. ഏപ്രിൽ 26-ന് പുറത്തിറക്കേണ്ടിയിരുന്ന ഹാൾ ടിക്കറ്റുകൾ ഒരു ദിവസം വൈകി പുറത്തിറങ്ങുന്നു. പരീക്ഷാർത്ഥികൾക്ക് neet.nta.nic.in എന്ന വെബ്സൈറ്റിലൂടെ അഡ്മിറ്റ് കാർഡ് ഡൗൺലോഡ് ചെയ്യാം.
പരീക്ഷാ സമയം ഉച്ചയ്ക്ക് 2 മണി മുതൽ വൈകുന്നേരം 5 മണി വരെയാണ് (3 മണിക്കൂർ). ഭിന്നശേഷി വിഭാഗത്തിൽപ്പെട്ട (PwD) ഉദ്യോഗാർത്ഥികൾക്ക് ഒരു മണിക്കൂർ അധിക സമയം ലഭിക്കും. അഡ്മിറ്റ് കാർഡ് ഡൗൺലോഡ് ചെയ്യുന്നതിന്, വെബ്സൈറ്റിൽ NEET UG 2026 Admit Card ലിങ്കിൽ ക്ലിക്ക് ചെയ്ത് ആപ്ലിക്കേഷൻ നമ്പർ, ജനനത്തീയതി അല്ലെങ്കിൽ പാസ്വേഡ് നൽകി ലോഗിൻ ചെയ്യുക.
സ്ക്രീനിൽ പ്രദർശിപ്പിക്കുന്ന സെക്യൂരിറ്റി പിൻ രേഖപ്പെടുത്തി സബ്മിറ്റ് ചെയ്യുക. അഡ്മിറ്റ് കാർഡ് ഡൗൺലോഡ് ചെയ്ത് പ്രിന്റ് എടുത്ത് സൂക്ഷിക്കുക. പരീക്ഷാ ദിവസം ഹാൾ ടിക്കറ്റ് നിർബന്ധമാണ്. അതിന്റെ കൂടെ ഐഡി പ്രൂഫ് സഹിതം കൈവശം വയ്ക്കുക.
Photo and News Source: Mathrubhumi
