ന്യൂഡൽഹി: വിശ്വപ്രസിദ്ധ ഫോട്ടോ ജേണലിസ്റ്റും ഫോട്ടോജേണലിസത്തിന്റെ മുന്നോടിയുമായ രഘു റായ് (83) അന്തരിച്ചു. 2026 ഏപ്രിൽ 26-ന് ഞായറാഴ്ച രാവിലെയായിരുന്നു അന്ത്യം. അദ്ദേഹത്തിന്റെ വിയോഗം കുടുംബാംഗങ്ങൾ സമൂഹമാധ്യമങ്ങളിലൂടെ പ്രഖ്യാപിച്ചു. വൈകുന്നേരം നാല് മണിക്ക് ന്യൂഡൽഹിയിലെ ലോധി മൈതാനത്ത് സംസ്കാര ചടങ്ങുകൾ നടക്കുമെന്ന് ബന്ധുക്കൾ വ്യക്തമാക്കി.
രഘു റായ് സ്വതന്ത്ര ഇന്ത്യയുടെ വൈവിധ്യവും വേദനയും സംഘർഷങ്ങളും ബ്ലാക്ക് ആൻഡ് വൈറ്റ് ഫ്രെയിമുകളിൽ കവിതകളായി പകർത്തി. 1942-ൽ പാകിസ്താനിലെ പഞ്ചാബിലെ ഝാങ് ഗ്രാമത്തിലായിരുന്നു ജനനം. എൻജിനീയറിങ്ങിൽ നിന്ന് ക്യാമറയിലേക്ക് തിരിഞ്ഞ അദ്ദേഹം ആദ്യം സിവിൽ എൻജിനീയറായി ജോലി ആരംഭിച്ചു.
ഒരിക്കൽ ഹരിയാനയിലെ ഗ്രാമത്തിൽ അവധി ചിലവഴിക്കുമ്പോൾ സഹോദരന്റെ ക്യാമറ ഉപയോഗിച്ച് പകർത്തിയ ചിത്രങ്ങൾ ലണ്ടനിലെ പ്രമുഖ പത്രത്തിന് അയച്ചുകൊടുത്തു. ആ ചിത്രത്തിന് വലിയ പുരസ്കാരവും ലഭിച്ചു. അങ്ങനെ ദേശീയ ശ്രദ്ധ നേടിയ അദ്ദേഹം പിന്നീട് ഫോട്ടോഗ്രാഫിയിലേക്ക് മുഴുവൻ മാറി. രാജ്യത്തെ പ്രധാന മാധ്യമങ്ങൾ അദ്ദേഹത്തിന്റെ ചിത്രങ്ങൾക്കായി കാത്തിരുന്നു.
Photo and News Source: Kvartha
