കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ് പ്രകാരം സംസ്ഥാനത്ത് ചൂടിന്റെ കാഠിന്യം വർധിക്കുമെന്ന് പ്രതീക്ഷിക്കുന്നു. പാലക്കാട്, കൊല്ലം, പത്തനംതിട്ട, തൃശൂർ, കോഴിക്കോട്, കാസർഗോഡ് ജില്ലകളിൽ 38-40 ഡിഗ്രി സെൽഷ്യസ് വരെ താപനില ഉയരുമെന്ന് കണക്കാക്കുന്നു. ഉയർന്ന താപനിലയും ഈർപ്പവും ജനങ്ങളെ അസ്വസ്ഥരാക്കും.
നിലവിൽ 12 ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. മുഖ്യമന്ത്രിയുടെ അധ്യക്ഷതയിൽ ചേർന്ന യോഗം പ്രതിരോധ നടപടികൾ ആസൂത്രണം ചെയ്തു. പൊതുസ്ഥലങ്ങളിൽ തണ്ണീർപന്തലുകൾ, കുടിവെള്ളം, ഒആർഎസ് ലഭ്യമാക്കാനും മഴവെള്ള സംഭരണം ഉറപ്പാക്കാനും തീരുമാനമായി. സൂര്യാഘാത പ്രഥമ ശുശ്രൂഷാ സൗകര്യങ്ങളും ഒരുക്കും.
ചൂടിനൊപ്പം വൈദ്യുതി പ്രതിസന്ധിയും രൂക്ഷമാകുന്നു. 600 മെഗാവാട്ട് വരെ വൈദ്യുതി വിഹിതം കുറയാനുള്ള സാധ്യതയുണ്ട്. പാലക്കാട് തത്തമംഗലം കെഎസ്ഇബി ഓഫീസിൽ കോൺഗ്രസ് പ്രവർത്തകർ പ്രതിഷേധം നടത്തി. വൈദ്യുതി മന്ത്രി അപ്രഖ്യാപിത പവർകട്ട് ആരോപണങ്ങൾ നിരാകരിച്ചു.
Photo and News Source: Malayalam Express
