പത്തനംതിട്ടയിലെ നെല്ലിക്കൽ മുരളീധരൻ ഫൗണ്ടേഷന്റെ അവാർഡ് ദാന ചടങ്ങിൽ കവി കുരീപ്പുഴ ശ്രീകുമാരൻ പ്രസംഗിക്കുന്നതിനിടെ ബിജെപി നേതാക്കൾ അക്രമം അഴിച്ചുവിട്ടു. ബിജെപി മുൻ ജില്ലാ പ്രസിഡന്റ് പ്രതാപചന്ദ്രവർമ്മയുടെ നേതൃത്വത്തിലുള്ള സംഘം പ്രസംഗം തടസ്സപ്പെടുത്തി.
പ്രസംഗം അലങ്കോലപ്പെടുത്താൻ ശ്രമിച്ചവരെ വേദിയിൽ നിന്നും പുറത്താക്കിയ ശേഷമാണ് കുരീപ്പുഴ ശ്രീകുമാരൻ പ്രസംഗം തുടർന്നത്. വടക്കേ ഇന്ത്യയിൽ നിന്നും യുവതി വിവാഹം കഴിച്ച കാര്യം സംസാരിച്ചതാണ് ബിജെപി നേതാക്കളെ പ്രകോപിപ്പിച്ചത്. കവി, “ഇന്ത്യയാണ് വീടെന്നും പേടിയില്ലാതെ ജീവിക്കാൻ കഴിയുന്ന സാഹചര്യം വേണം” എന്ന് പ്രസംഗിച്ചിരുന്നു.
“കേരളം മാത്രമാണ് ഒരു ആശ്വാസം” എന്ന് പറഞ്ഞ കവി, കേരളത്തിലാണ് കുറച്ചെങ്കിലും സുരക്ഷിതത്വം ഉള്ളതെന്ന് സൂചിപ്പിച്ചു. സമകാലിക ദളിത് വിഷയങ്ങളുമായി ബന്ധപ്പെട്ട പ്രസംഗമായിരുന്നു ഇത്. സംഭവത്തെക്കുറിച്ച് സോഷ്യൽ മീഡിയയിലും വാർത്തകൾ വേഗം പടർന്നു.
Photo and News Source: Kairali News
