റായ്പൂർ: ഛത്തീസ്ഗഡിലെ സക്തി ജില്ലയിലെ സിംഗിതാരായ് ഗ്രാമത്തിൽ സ്ഥിതി ചെയ്യുന്ന വേദാന്ത ലിമിറ്റഡിന്റെ പവർ പ്ലാന്റിലുണ്ടായ സ്ഫോടനത്തിൽ മരണസംഖ്യ 10 ആയി ഉയർന്നു. 40-ൽ അധികം പേർക്ക് പരിക്കേറ്റതായാണ് റിപ്പോർട്ടുകൾ. ബോയിലർ ട്യൂബിന്റെ പൊട്ടിത്തെറിയാണ് അപകടത്തിന് കാരണമായതെന്ന് പ്രാഥമിക നിഗമനത്തിൽ പറയുന്നു.
സ്ഥലത്തെത്തിയ ലോക്കൽ അഡ്മിനിസ്ട്രേഷനും പോലീസ് സംഘങ്ങളും രക്ഷാപ്രവർത്തനം ആരംഭിച്ചു. പരിക്കേറ്റവരെ സമീപത്തെ ആശുപത്രികളിലേക്ക് മാറ്റിയിട്ടുണ്ട്. നിലവിൽ രക്ഷാപ്രവർത്തനം തുടരുകയാണ്. തൊഴിലാളികൾ ഇപ്പോഴും അകത്ത് കുടുങ്ങിക്കിടക്കുന്നതായും സംശയം ഉണ്ട്. മരണസംഖ്യ വീണ്ടും ഉയരുമെന്നാണ് പ്രതീക്ഷിക്കുന്നത്.
Photo and News Source: Sathyam Online
