വടകര: സംസ്ഥാനത്ത് ചക്ക അധിഷ്ഠിത ചെറുകിട സംരംഭങ്ങളുടെ എണ്ണം വർദ്ധിച്ചു വരുന്നു. വർഷംതോറും പാഴാകുന്ന ചക്കയുടെ അളവ് കുറയ്ക്കുന്നതിൽ ഇവർ പ്രധാന പങ്കുവഹിക്കുന്നു. പത്തനംതിട്ട കൃഷിവിജ്ഞാൻകേന്ദ്രത്തിൽ നിന്നും പരിശീലനം നേടിയ 44 ചെറുകിട സംരംഭങ്ങൾ നിലവിലുണ്ട്. ഏഴ് വലിയ സംരംഭങ്ങളും ഉൾപ്പെടുന്നു. കേരള കാർഷികസർവകലാശാലയിൽ നിന്നും പരിശീലനം നേടിയവരും ചേർന്നിരിക്കുന്നു. 'ചക്കക്കൂട്ടം' എന്ന വാട്സാപ്പ് കൂട്ടായ്മ വഴി 450-ൽ അധികം പേർക്ക് പരിശീലനം നൽകി.
ഇതിൽ 200-ലേറെ പേർ ചെറുകിട സംരംഭങ്ങൾ തുടങ്ങിയിട്ടുണ്ട്. 2017-ൽ സംസ്ഥാന റിസോഴ്സ് സെന്റർ ആയ പത്തനംതിട്ട കേന്ദ്രം, ചക്ക വ്യവസായത്തിനുള്ള പരിശീലനവും മാർഗനിർദേശവും നൽകുന്നു. സംരംഭകർക്കായി ഇൻക്യുബേഷൻ സെന്ററും പ്രവർത്തിക്കുന്നു. ഇവിടെ യന്ത്രങ്ങൾ വാടകയായി ഉപയോഗിച്ച് ഉത്പന്നങ്ങൾ നിർമ്മിക്കാം. 16-ലേറെ ഉത്പന്നങ്ങൾ ഉണ്ടെങ്കിലും ഓരോരുത്തരുടെയും ആവശ്യമനുസരിച്ച് പരിശീലനം നൽകുന്നു. സംരംഭം തുടങ്ങാനുള്ള ഡി. പി. ആറും ലഭ്യമാണ്.
Photo and News Source: Mathrubhumi
