ന്യൂഡൽഹിയിൽ വച്ച് നടന്ന ഭീകരവാദ ഫണ്ടിംഗ് കേസിൽ ശിക്ഷിക്കപ്പെട്ട വിഘടനവാദി നേതാവ് യാസിന് മാലിക്കിന് പാകിസ്ഥാൻ ഭരണാധികാരികളുമായി അടുത്ത ബന്ധമുണ്ടെന്ന് ദേശീയ അന്വേഷണ ഏജൻസി (എൻഐഎ) വെളിപ്പെടുത്തി.
ദില്ലി ഹൈക്കോടതിയിൽ സമർപ്പിച്ച ഹർജിയിൽ, മാലിക്കിന് വധശിക്ഷ നൽകണമെന്ന ആവശ്യവും എൻഐഎ ഉന്നയിച്ചു. പാക് പ്രധാനമന്ത്രി, പ്രസിഡന്റ്, സെനറ്റർമാർ, മുഖ്യമന്ത്രിമാർ എന്നിവരുമായി മാലിക് നിരന്തരം ബന്ധം പുലർത്തിയിരുന്നു.
ഭാരതവിരുദ്ധ പ്രചരണങ്ങൾക്കും കശ്മീരിലെ വിഘടനവാദ പ്രവർത്തനങ്ങൾക്കും ഈ ബന്ധങ്ങൾ ഉപയോഗിച്ച മാലിക്, ജമ്മു-കശ്മീരിനെ ഇന്ത്യയിൽ നിന്ന് വേർപെടുത്താനുള്ള വിഘടനവാദ അജണ്ടയ്ക്കായി പ്രവർത്തിച്ചിരുന്നു. ലഷ്കർ-ഇ-തോയിബ സ്ഥാപകൻ ഹാഫിസ് സയീദ്, ഹിസ്ബുൾ മുജാഹിദീൻ നേതാവ് സയീദ് സലാഹുദ്ദീൻ തുടങ്ങിയ ഭീകരരുമായി മാലിക്കിന് നേരിട്ട് ബന്ധമുണ്ടായിരുന്നു.
കശ്മീർ താഴ്വരയിൽ കല്ലേറുകളും പ്രതിഷേധങ്ങളും ആസൂത്രിതമായി നടത്തിയ ജെകെഎൽഎഫ് നേതാവായ മാലിക്കിനെതിരെ ഭീകരവാദത്തിന് ധനസഹായം നൽകിയ കേസിൽ നിലവിൽ ജീവപര്യന്തം തടവ് അനുഭവിക്കുന്നുണ്ട്. ഇതിൽ വധശിക്ഷ തന്നെ നൽകണമെന്നും എൻഐഎ വാദിച്ചു.
Photo and News Source: Janmabhumi
