ജാമിഅ മർകസിന്റെ കർണാടകയിലെ വിദ്യാർഥി സംഘടനയായ കെ എസ് ഒ (KSO) പുതിയ ഭാരവാഹികളെ തിരഞ്ഞെടുത്തു. മർകസ് കാമിൽ ഇജ്തിമാഇൽ വെച്ച് നടന്ന വാർഷിക കൗൺസിലിലാണ് സംഘടനയുടെ പുതിയ നേതൃത്വത്തെ പ്രഖ്യാപിച്ചത്. ജാസിൽ റഹ്മാൻ കെ സി റോഡ് പ്രസിഡന്റായും, അശ്റഫ് നാവൂർ ജനറൽ സെക്രട്ടറിയായും, മഹ്ഫൂസ് കൈകമ്പ ട്രഷററായും തിരഞ്ഞെടുക്കപ്പെട്ടു.
സംഘടനയുടെ പ്രവർത്തനങ്ങൾ കൂടുതൽ കാര്യക്ഷമമാക്കുന്നതിന്റെ ഭാഗമായാണ് പുതിയ നേതൃത്വത്തെ തിരഞ്ഞെടുത്തത്. റിയാസ് കാവു വൈസ് പ്രസിഡന്റായും, നിസാം ബോളിയാർ, സിനാൻ ഉപ്പിനങ്ങാടി, റാസിഖ് യാഡി, റാശിദ് കുടക്, അൻവർ കുമ്പ്ര, മുശറഫ് കില്ലൂർ, യൂനുസ് കുറത്ത് എന്നിവർ സെക്രട്ടറിമാരായും ചുമതലയേറ്റു. അഡ്വൈസർ വി പി എം ഫൈസി വില്യാപ്പള്ളിയാണ് പുനഃസംഘടന നടപടികൾക്ക് നേതൃത്വം നൽകിയത്.
ബശീർ സഖാഫി കൈപ്രം കൗൺസിൽ ഉദ്ഘാടനം ചെയ്തു. അബ്ദുസ്സലാം ബോൾമാർ പ്രവർത്തന റിപ്പോർട്ടും സുബൈർ കുമ്പക്കോട് ഫിനാൻസ് റിപ്പോർട്ടും യോഗത്തിൽ അവതരിപ്പിച്ചു. റിയാസ് കാവു സ്വാഗതവും അശ്റഫ് നാവൂർ നന്ദിയും രേഖപ്പെടുത്തി. ജാമിഅ മർകസിന്റെ കർണാടകയിലെ വിദ്യാഭ്യാസ, സാമൂഹിക പ്രവർത്തനങ്ങളിൽ നിർണായക പങ്കുവഹിക്കുന്ന സംഘടനയാണ് കെ എസ് ഒ.
Photo and News Source: Siraj Live
