തമിഴ്നാട് മുഖ്യമന്ത്രിയായി ദളപതി വിജയ് സ്ഥാനമേറ്റതിന്റെ ആവേശത്തിലാണ് ആരാധകർ. പ്രായഭേദമന്യേ വിജയിയെ സ്നേഹിക്കുന്നവർ നിരവധിയാണ്. ഇപ്പോഴിതാ, വിജയിയോടുള്ള തന്റെ ആരാധന പ്രകടിപ്പിക്കുന്ന ഒരു കുഞ്ഞു ആരാധകന്റെ വീഡിയോ സോഷ്യൽ മീഡിയയിൽ തരംഗമായിരിക്കുകയാണ്. കോൺഗ്രസ് നേതാവ് കെ.എസ്. ശബരീനാഥിന്റെയും ദിവ്യ എസ്. അയ്യരുടെയും മകൻ മൽഹാറാണ് ഈ കൊച്ചുമിടുക്കൻ.
ദിവ്യ എസ്. അയ്യർ പകർത്തിയ വീഡിയോയിലാണ് മൽഹാറിന്റെ വിജയ് പ്രേമം വ്യക്തമാകുന്നത്. തന്റെ മുറിയിൽ അബ്ദുൾ കലാം, സ്വാമി വിവേകാനന്ദൻ, അംബേദ്കർ തുടങ്ങിയ മഹത്വ്യക്തികളുടെ ചിത്രങ്ങൾക്കൊപ്പം വിജയിയുടെ ചിത്രവും മൽഹാർ സൂക്ഷിച്ചിട്ടുണ്ട്. കറുത്ത ടീഷർട്ട് ധരിച്ച് വിജയിയുടെ സ്റ്റൈലിൽ കൈകെട്ടി നിൽക്കുന്ന മൽഹാറിന്റെ വീഡിയോ ഏവരെയും അത്ഭുതപ്പെടുത്തുകയാണ്.
താൻ ധരിച്ചിരുന്ന വെള്ള ടീഷർട്ട് മാറ്റി കറുത്ത ടീഷർട്ട് ധരിക്കുന്ന മകനോട് ഇതിന്റെ കാരണം തിരക്കിയപ്പോൾ, വിജയിക്ക് വേണ്ടിയാണ് താൻ ഇത് ധരിക്കുന്നതെന്നായിരുന്നു മൽഹാറിന്റെ മറുപടി. തുടർന്ന് വിജയിയുടെ ചിത്രത്തിന് മുന്നിൽ വന്ന് അതേ സ്റ്റൈലിൽ അവൻ പോസ് ചെയ്തു. ഒരു കുട്ടി ആരാധകന്റെ വീട്ടിലെ വിശേഷങ്ങൾ എന്ന അടിക്കുറിപ്പോടെയാണ് ദിവ്യ എസ്. അയ്യർ ഈ മനോഹരമായ വീഡിയോ പങ്കുവെച്ചിരിക്കുന്നത്.
Photo and News Source: Kerala Kaumudi Latest
