തൃശൂരിലെ മുണ്ടത്തിക്കോട് വെടിക്കെട്ടുപുരയിൽ ഉണ്ടായ സ്ഫോടനത്തിൽ 10 പേർക്ക് പരിക്കേറ്റു. അതിൽ നാല് പേരുടെ നില അതീവഗുരുതരമായിരുന്നു. കരാറുകാരനായ സതീഷ് വെന്റിലേറ്ററിലാണ്. നാല് പേരെ ഇതുവരെ കണ്ടെത്താനായില്ല. ഡിഎൻഎ പരിശോധനയിലൂടെ മൃതദേഹഭാഗങ്ങൾ തിരിച്ചറിയാനുള്ള ശ്രമം ഇന്ന് ആരംഭിക്കും.
ഫോറൻസിക് സംഘം വെടിക്കെട്ടുപുരയിൽ നിരോധിത വസ്തുക്കൾ ഉപയോഗിച്ചിരുന്നോയെന്ന പരിശോധനയിലാണ്. ബാക്കിയുള്ള സ്ഫോടക ശേഖരം സുരക്ഷിത സ്ഥാനത്തേക്ക് മാറ്റുമെന്ന് അധികൃതർ അറിയിച്ചു. വെടിക്കെട്ടുപുരയുടെ അവശിഷ്ടങ്ങൾ പരിശോധിക്കാൻ കെഡാവർ നായകളെ ഉപയോഗിക്കും.
തൃശൂർ പൂരം ചടങ്ങുകൾ വെടിക്കെട്ട് ഒഴിവാക്കി നടത്താൻ തീരുമാനമായി. ഉന്നതതല യോഗത്തിൽ തീരുമാനം ജില്ലാ ഭരണകൂടത്തിനും മന്ത്രിമാരെയും അറിയിക്കും. പൂരത്തിന് തിരുവമ്പാടി വിഭാഗത്തിനുവേണ്ടി വെടിക്കെട്ടുസാമഗ്രികൾ നിർമ്മിച്ചിരുന്ന മുണ്ടത്തിക്കോട് ശാലയിലായിരുന്നു സ്ഫോടനം. ഉച്ചതിരിഞ്ഞ് മൂന്നരയ്ക്ക് തുടങ്ങിയ സ്ഫോടനപരമ്പര രണ്ടുമണിക്കൂറോളം തുടർന്നു. ഇതുവരെ 14 പേരാണ് മരണപ്പെട്ടത്. വെള്ളിയാഴ്ച വരെ ദുഃഖാചരണവും പിന്നീട് പൂരം നടത്തണമെന്നാണ് തിരുവമ്പാടി ദേവസ്വത്തിന്റെ നിലപാട്.
Photo and News Source: Samakalika Malayalam
