തളിപ്പറമ്പ് ചുടലയിൽ ദേശീയപാതാ നിർമ്മാണം മന്ദഗതിയിലാണ്. കുന്നും ചെരിവുമുള്ള ഭൂപ്രകൃതി കാരണം പ്രവർത്തികൾ തടസ്സപ്പെടുന്നു. ഇവിടെ ഒരു വലിയ പാലം പണിയുന്നുണ്ട്. ചുടലവളവിനടുത്തും മണ്ണിടിച്ചിലുണ്ടായ സ്ഥലത്തും അപകടം പതിഞ്ഞിരിക്കുന്നു. റോഡിന്റെ താഴ്ചയുള്ള ഭാഗം മുഴുവൻ കാടുമൂടിയ നിലയിലാണ്. സമീപത്ത് മണ്ണിടിച്ചിൽ തടയാൻ കോൺക്രീറ്റ് മതിൽ നിർമ്മിക്കുന്നു. കഴിഞ്ഞ മഴക്കാലത്ത് മണ്ണിടിഞ്ഞ് ഗതാഗതം ദിവസങ്ങളോളം നിർത്തിയിരുന്നു. ഈ വർഷവും മഴ ശക്തിയായി പെയ്താൽ ഗതാഗതപ്രശ്നങ്ങൾ ഉണ്ടാകാനുള്ള സാധ്യതയുണ്ട്.
കുപ്പം പുഴയിൽ പുതിയ പാലനിർമ്മാണവും നടക്കുന്നു. പുഴയിൽ മണ്ണിട്ട് നിറച്ചാണ് പ്രവർത്തി. മഴയ്ക്കുമുമ്പ് പാലം പൂർത്തിയാക്കിയില്ലെങ്കിൽ മണ്ണിടിച്ചിൽ പോലുള്ള പ്രശ്നങ്ങൾ ഉണ്ടാകും. കുപ്പത്തിലും പരിസരത്തും പൊടിശല്യം അതിരൂക്ഷമാണ്. വീടുകളിലേക്കും വ്യാപാരസ്ഥാപനങ്ങളിലേക്കും പൊടി അടിച്ചുകയറുന്നു. റോഡരികിലുള്ളവർക്ക് ജനലും വാതിലും തുറക്കാൻ കഴിയുന്നില്ല. വേനലിന്റെ ചൂടിനൊപ്പം പൊടിശല്യവും വർദ്ധിക്കുന്നു.
Photo and News Source: Mathrubhumi
