പാലക്കാട് ജില്ലയിൽ കുടിവെള്ള സ്രോതസ്സുകൾ മലിനമാക്കുന്നവർക്കെതിരെ കനത്ത പിഴ ഈടാക്കാനും പരിശോധന ശക്തമാക്കാനും കളക്ടർ നിർദ്ദേശം നൽകി. വിനോദസഞ്ചാര കേന്ദ്രങ്ങളിലാണ് പരിശോധന ഊർജ്ജിതമാക്കുന്നത്. ജില്ലാ ദുരന്തനിവാരണ ചെയർപേഴ്സൺ കൂടിയായ കളക്ടർ എം.എസ്. മാധവിക്കുട്ടി വേനൽക്കാല പ്രതിരോധ പ്രവർത്തനങ്ങളെക്കുറിച്ച് ഓൺലൈൻ യോഗത്തിൽ സംസാരിച്ചു.
ജനങ്ങൾ അതിജാഗ്രത പാലിക്കണമെന്നും അദ്ദേഹം benches. കുടിവെള്ള ദൗർലഭ്യമുള്ള പ്രദേശങ്ങളിൽ ടാങ്കർ ലോറികൾ മുഖേന ജലവിതരണം തുടരുന്നു. വനാതിർത്തികളിൽ കാട്ടുതീ, വന്യമൃഗ ആക്രമണം എന്നിവക്കെതിരേ മുൻകരുതലുകൾ സ്വീകരിക്കും. വനംവകുപ്പിന്റെ സ്ക്വാഡ് പരിശോധന തുടരും.
മെഡിക്കൽ കോളേജ് ഉൾപ്പെടെയുള്ള ആശുപത്രികളിൽ ഫയർഓഡിറ്റ് നടത്തിയിട്ടുണ്ട്. ജല അതോറിറ്റിയുടെ പമ്പ്ഹൗസ് മുഖേന ജലവിതരണം സുഗമമാക്കാൻ വോൾട്ടേജ് പ്രശ്നം പരിഹരിക്കും. പി.എസ്.സി. പരിശീലന ക്ലാസുകൾ ഓൺലൈനായാണ് നടത്തുന്നത്. തുറസ്സായ സ്ഥലങ്ങളിൽ ജോലി ചെയ്യുന്നവർക്കുള്ള സമയക്രമീകരണം പാലിക്കുന്നത് ഉറപ്പാക്കാനും നിർദ്ദേശം നൽകി.
Photo and News Source: Mathrubhumi
