തമിഴ്നാട് മുഖ്യമന്ത്രിയായി വിജയ് സത്യപ്രതിജ്ഞ ചെയ്ത ചടങ്ങിൽ നടി തൃഷയുടെ സാന്നിധ്യം ഏറെ ശ്രദ്ധിക്കപ്പെട്ടിരുന്നു. അതീവ സുന്ദരിയായി എത്തിയ തൃഷയുടെ വേഷവിധാനം ഇപ്പോൾ സോഷ്യൽ മീഡിയയിൽ വലിയ ചർച്ചകൾക്ക് വഴിവെച്ചിരിക്കുകയാണ്. ഇളംനീല നിറത്തിലുള്ള പട്ടുസാരിയും ഗോൾഡൻ നിറത്തിലുള്ള ബ്ലൗസും അണിഞ്ഞ്, മുല്ലപ്പൂവ് ചൂടി പരമ്പരാഗത ശൈലിയിലാണ് താരം ചടങ്ങിൽ പങ്കെടുത്തത്. ചുവന്ന കല്ലുകൾ പതിച്ച നെക്ലേസും കമ്മലുകളും തൃഷയുടെ ലുക്കിന് കൂടുതൽ തിളക്കം നൽകി.
എന്നാൽ, തൃഷയുടെ ഈ വേഷവിധാനം മുൻപ് ഐശ്വര്യ റായ് ധരിച്ച ഒരു വേഷവുമായി സാമ്യമുള്ളതാണെന്ന് ആരാധകർ ചൂണ്ടിക്കാട്ടുന്നു. 2000-ൽ അന്നത്തെ പ്രധാനമന്ത്രി അടൽ ബിഹാരി വാജ്പേയിയെ ഐശ്വര്യ റായ് സന്ദർശിച്ചപ്പോൾ ധരിച്ചിരുന്ന വേഷവുമായി ഇതിന് വലിയ സാമ്യമുണ്ടെന്നാണ് ആരാധകരുടെ കണ്ടെത്തൽ. വാജ്പേയിയുടെ മരണശേഷം ഐശ്വര്യ തന്നെ ഈ ചിത്രം സോഷ്യൽ മീഡിയയിൽ പങ്കുവെച്ചിരുന്നു. അന്നും ഇളംനീല നിറത്തിലുള്ള സാരിയും സ്വർണാഭരണങ്ങളുമായിരുന്നു ഐശ്വര്യയുടെ വേഷം.
ഈ താരതമ്യം മണിരത്നത്തിന്റെ 'പൊന്നിയിൻ സെൽവൻ' എന്ന ചിത്രത്തിലെ കഥാപാത്രങ്ങളുമായി ബന്ധപ്പെടുത്തിയും ആരാധകർ ചർച്ച ചെയ്യുന്നുണ്ട്. ചിത്രത്തിലെ നന്ദിനിയെ കുന്ദവൈ കോപ്പിയടിച്ചതാണോ എന്നാണ് ആരാധകർ തമാശരൂപേണ ചോദിക്കുന്നത്. ഏതായാലും തൃഷയുടെ ഈ ലുക്ക് ഇപ്പോൾ സോഷ്യൽ മീഡിയയിൽ വലിയ രീതിയിൽ വൈറലായിരിക്കുകയാണ്.
Photo and News Source: Janmabhumi
