കണ്ണൂരിലെ അഞ്ചരക്കണ്ടി ദന്തല് കോളേജിലെ വിദ്യാര്ത്ഥി നിതിന് രാജിന്റെ മരണത്തെ തുടർന്ന് പൊലീസ് അധ്യാപകരായ ഡോ. എംകെ റാം, സംഗീത എന്നിവര്ക്കെതിരെ കേസെടുത്തു. ആത്മഹത്യാപ്രേരണ, പട്ടികജാതി-പട്ടികവര്ഗ അതിക്രമ നിരോധനവകുപ്പ് തുടങ്ങിയ കുറ്റങ്ങളാണ് ചുമത്തിയിരിക്കുന്നത്. നിതിന് രാജിന്റെ മരണം ആത്മഹത്യയാണെന്ന കാര്യത്തില് സംശയമില്ലെന്ന് കണ്ണൂര് സിറ്റി പൊലീസ് കമ്മിഷണര് വ്യക്തമാക്കി. എന്നിരുന്നാലും, വിദ്യാര്ത്ഥിയെ തള്ളിയിട്ട് കൊന്നതാണെന്ന ആരോപണവും കുടുംബത്തില് നിന്നുണ്ട്. നിതിന് രാജ് ലോണ്
ആപ്പില് വായ്പ എടുക്കുന്നതിന് കോളേജിലെ ടീച്ചറുടെ നമ്പരാണ് ഉപയോഗിച്ചത്. തുടര്ന്നുണ്ടായ കോളുകളെ തുടര്ന്ന് ടീച്ചർ പൊലീസില് പരാതി നല്കിയിരുന്നു. നിതിന് രാജിന്റെ നമ്പര് ലോണ് ആപ്പിലൂടെ എടുത്തതാണോ, അതോ ബോധപൂര്വ്വം ടീച്ചറുടെ നമ്പര് ലഭിച്ചതാണോ എന്ന് അന്വേഷണം നടത്തുമെന്ന് പോലീസ് സൂചിപ്പിച്ചു. കോളേജിലെ സുഹൃത്തുക്കളുമായി പങ്കുവെച്ച ശബ്ദസന്ദേശങ്ങളിലൂടെ അധ്യാപകരുടെ ദുരനുഭവങ്ങളെക്കുറിച്ച് നിതിന് രാജ് വിവരിച്ചിരുന്നു. ഇതേത്തുടര്ന്ന് ഏഴംഗ പ്രത്യേക അന്വേഷണ സംഘം രൂപീകരിച്ചിരിക്കുന്നു.
റാഗിംഗ് സംബന്ധിച്ച പരാതികളും അന്വേഷണത്തിലുണ്ട്.
