കണ്ണൂരിൽ 2015-ൽ നടന്ന സംഭവത്തിൽ ആർഎസ്എസ് പ്രവർത്തകന്റെ കൈപ്പത്തി വെട്ടിമാറ്റിയ കുറ്റത്തിന് മൂന്ന് സിപിഎം പ്രവർത്തകർക്ക് കോടതി കഠിനതടവും പിഴയും വിധിച്ചു. തെക്കേ കണ്ണോളി വീട്ടിൽ ശ്രീജിത്തിന് 14 വർഷം കഠിനതടവും 1,25,000 രൂപ പിഴയും, ഷഫീഖിനും ഷൈജുവിനും 8 വർഷം കഠിനതടവും 75,000 രൂപ വീതം പിഴയും ശിക്ഷയായി നിശ്ചയിച്ചു. കൊഴൂർ പ്രദേശത്ത് വെച്ച് നടന്ന ഈ സംഭവത്തിൽ ബസ് ക്ലീനർ റെജേഷിനെ ദേഹമാസകലം വെട്ടിയതോടൊപ്പം കൈപ്പത്തി വെട്ടിമാറ്റിയിരുന്നു.
ആർഎസ്എസ് പ്രവർത്തകൻ നിഖിലിനെ വെട്ടിക്കൊലപ്പെടുത്തിയ കേസിൽ ശ്രീജിത്തിന് ജീവപര്യന്തം ശിക്ഷയുമുണ്ട്. പിഴ അടച്ചില്ലെങ്കിൽ ശ്രീജിത്തിന് ഒരു വർഷവും മൂന്നുമാസവും തടവുശിക്ഷ അനുഭവിക്കേണ്ടിവരും. മറ്റുള്ളവർ പിഴ അടച്ചില്ലെങ്കിൽ മൂന്നുമാസം തടവ് അനുഭവിക്കേണ്ടിവരും.
Photo and News Source: Janam TV
