തിരുവനന്തപുരം: 2026-ലെ നിയമസഭാ തെരഞ്ഞെടുപ്പിൽ കഴക്കൂട്ടം മണ്ഡലത്തിൽ ബിജെപി സ്ഥാനാർത്ഥി വി. മുരളീധരൻ വിജയിച്ചു. 167 വോട്ടിന്റെ ഭൂരിപക്ഷത്തിലായിരുന്നു അദ്ദേഹത്തിന്റെ വിജയം. കഴക്കൂട്ടം മണ്ഡലം ശക്തമായ ത്രികോണ മത്സരത്തിലായിരുന്നു. എൽഡിഎഫ്, എൻഡിഎ, യുഡിഎഫ് എന്നീ മുന്നണികൾ തമ്മിൽ വാശിയേറിയ പ്രചാരണങ്ങൾ നടത്തി.
2016 മുതൽ തുടർച്ചയായി രണ്ട് തവണ കഴക്കൂട്ടത്ത് വിജയിച്ച എംഎൽഎ കടകംപള്ളി സുരേന്ദ്രനെ എൽഡിഎഫ് വീണ്ടും മത്സരിപ്പിക്കുമോ എന്ന ചർച്ച വോട്ടർമാർക്കിടയിൽ ശക്തമായിരുന്നു. ദേവസ്വം-സഹകരണ വകുപ്പ് മന്ത്രിയായിരുന്ന കടകംപള്ളി സുരേന്ദ്രനെതിരെ ഉയർന്ന ആരോപണങ്ങളാണ് ഇതിന് കാരണം. ശബരിമല സ്വർണ്ണക്കൊള്ള വലിയ ചർച്ചാവിഷയമായ ഈ തെരഞ്ഞെടുപ്പിൽ എൽഡിഎഫ് ക്യാംപ് തിരിച്ചടി ഉണ്ടാകില്ലെന്ന ആത്മവിശ്വാസത്തിലായിരുന്നു.
മുൻ കേന്ദ്രമന്ത്രി വി. മുരളീധരനെ കഴക്കൂട്ടത്ത് മത്സരിപ്പിക്കാൻ എൻഡിഎ തീരുമാനിച്ചു. കോൺഗ്രസ് സ്ഥാനാർത്ഥി ശരത്ചന്ദ്രപ്രസാദ് കൂടി മത്സരത്തിലിറങ്ങിയതോടെ കഴക്കൂട്ടത്ത് ശരിയായ ത്രികോണ പോരാട്ടത്തിന് ചൂടേറി.
Photo and News Source: Sathyam Online
