ലോക്സഭയിൽ വനിതാ സംവരണത്തെ മറയാക്കി മണ്ഡല പുനര്നിര്ണയത്തിനുള്ള ബില്ലിനെ പ്രതിപക്ഷം പരാജയപ്പെടുത്തി. തങ്ങളുടെ ഭരണഘടനാ ഭേദഗതി പാസ്സാക്കാനുള്ള മൂന്നില് രണ്ട് ഭൂരിക്ഷ്യമില്ലെന്ന് മോദി സർക്കാരിന് അറിയാമായിരുന്നു. കൗശലപൂര്വമായ ഫ്ളോര് എഞ്ചിനീയറിംഗിലൂടെ പ്രതിപക്ഷത്തെ ഭിന്നിപ്പിക്കാൻ ശ്രമിച്ചെങ്കിലും, പ്രതിപക്ഷ ഐക്യത്തിന് മുമ്പിൽ അത് നടന്നില്ല.
ബില്ലിന്റെ പരാജയത്തെ തുടർന്ന്, വനിതാ സംവരണത്തെ അട്ടിമറിച്ചത് പ്രതിപക്ഷമാണെന്ന പ്രചാരണം നടത്തി സ്ത്രീകളുടെ പിന്തുണ നേടാൻ ശ്രമിക്കാം എന്ന കുടിലബുദ്ധിയായിരുന്നു ഈ നടപടിക്ക് പിന്നിൽ. ബില്ലവതരണ ചർച്ചയിൽ പ്രധാനമന്ത്രി നടത്തിയ പ്രസംഗത്തിലൂടെ ഇത് വ്യക്തമായി. ലോക്സഭയിൽ 230 അംഗങ്ങൾ ബില്ലിനെ എതിരിച്ച് വോട്ട് ചെയ്തു. ബില്ല് 48 വോട്ടിന് പരാജയപ്പെട്ടു.
പാര്ലിമെന്റിൽ അവതരിപ്പിച്ച 131-ാം ഭരണഘടനാ ഭേദഗതി ഉൾപ്പെടെയുള്ള ബില്ലുകൾ, ഹിന്ദുത്വ അജണ്ടയില് നിന്നുള്ള മോദി സർക്കാരിന്റെ ഭരണഘടനാവിരുദ്ധ നീക്കങ്ങളുടെ ഏറ്റവും പുതിയ ഉദാഹരണമാണ്. 2011-ലെ സെൻസസ് അടിസ്ഥാനത്തിൽ മണ്ഡല പുനര്നിർണ്ണയം നടത്തി ലോക്സഭയിലും നിയമസഭയിലും സീറ്റുകൾ വർധിപ്പിക്കാനുള്ള ശ്രമം, ഹിന്ദുത്വ അജണ്ടയുടെ ഭാഗമാണ്. 2024-ലെ തിരഞ്ഞെടുപ്പിൽ 400-ൽ പരം സീറ്റുകൾ നേടാനുള്ള ലക്ഷ്യവുമായി ഈ നീക്കം ബന്ധപ്പെട്ടിരിക്കുന്നു.
Photo and News Source: Siraj Live
