ആലപ്പുഴ ജില്ലയിലെ വോട്ടെണ്ണൽ കേന്ദ്രങ്ങളിലെ സുരക്ഷയ്ക്കായി 1800-ലധികം പോലീസ് ഉദ്യോഗസ്ഥരെ നിയോഗിച്ചിട്ടുണ്ട്. ജില്ലാ പോലീസ് മേധാവിയുടെ നേതൃത്വത്തിൽ 11 ഡിവൈ.എസ്.പി., 46 ഇൻസ്പെക്ടർമാർ, 360 എസ്.ഐ. എന്നിവരും ഉൾപ്പെടുന്നു. പ്രശ്നബാധിത പ്രദേശങ്ങളായ അമ്പലപ്പുഴയിലും മറ്റു സ്ഥലങ്ങളിലും കേന്ദ്രസേനയെ വിന്യസിച്ചിരിക്കുന്നു.
ഗതാഗത ക്രമീകരണവും ശക്തമാക്കിയിട്ടുണ്ട്. സ്വതന്ത്ര സ്ഥാനാർത്ഥി ജി. സുധാകരൻ ഹൈക്കോടതിയെ സമീപിച്ച് വോട്ടിംഗ് അട്ടിമറി സാധ്യതയെക്കുറിച്ച് അഭിപ്രായപ്പെട്ടതിനെ തുടർന്ന് മണ്ഡലത്തിലുടനീളം പോലീസ് ബന്തവസാണ് ഏർപ്പെടുത്തിയിരിക്കുന്നത്.
പടക്കംപോട്ടിക്കൽ, പൂത്തിരി ഉപയോഗം എന്നിവയ്ക്ക് മൂന്ന് ദിവസത്തേക്ക് നിരോധനം ഏർപ്പെടുത്തിയിരിക്കുന്നു. മദ്യവിൽപ്പനയും നിരോധിച്ചിരിക്കുന്നു. വോട്ടെണ്ണൽ കേന്ദ്രങ്ങളായ സെന്റ് ജോസഫ്, എസ്.ഡി. കോളേജ് എന്നിവിടങ്ങളിലെ റോഡുകളിൽ രാവിലെ 4 മുതൽ വാഹന ഗതാഗതം നിയന്ത്രിക്കും. വോട്ടെണ്ണൽ കേന്ദ്രത്തിലേക്കുള്ള പ്രവേശനത്തിന് കൗണ്ടിംഗ് ഡ്യൂട്ടിയിലുള്ള ഉദ്യോഗസ്ഥരുടെ വാഹനങ്ങൾ മാത്രമേ അനുവദിക്കൂ. മാവേലിക്കര നഗരത്തിലും കർശന നിയന്ത്രണങ്ങളാണ് നടപ്പിലാക്കിയിരിക്കുന്നത്.
Photo and News Source: Kerala Kaumudi Latest
