ഹേഗിൽ ഡച്ച് രാജകുമാരിമാരായ കാതറിന അമാലിയ (22) ഉം സഹോദരി അലക്സിയ (20) ഉം വധിക്കാനുള്ള ഗൂഢാലോചന പരാജയപ്പെട്ടതിന്റെ വിശദാംശങ്ങൾ നെതർലൻഡ്സ് സർക്കാർ പുറത്തുവിട്ടു. കഴിഞ്ഞ ഫെബ്രുവരിയിലായിരുന്നു ഈ ശ്രമം. സംഭവത്തിൽ 33 വയസുകാരനെ അറസ്റ്റ് ചെയ്തതായും അധികൃതർ പ്രഖ്യാപിച്ചു.
ഭാവി രാജ്ഞിയായ അമാലിയയെ ലക്ഷ്യമാക്കിയായിരുന്നു ഈ ശ്രമം. പ്രതിയെ ഇന്ന് കോടതിയിൽ ഹാജരാക്കും. പബ്ലിക് പ്രോസിക്യൂട്ടറുടെ ഓഫീസ് കാരണങ്ങൾ വ്യക്തമാക്കിയിട്ടില്ല. വില്യം അലക്സാണ്ടർ രാജാവിന്റെയും മാക്സിമ രാജ്ഞിയുടെയും മക്കളാണ് രാജകുമാരിമാരായ അമാലിയയും അലക്സിയയും.
2022-ൽ മയക്കുമരുന്ന് മാഫിയ സംഘം രാജകുമാരിയെയും ഡച്ച് പ്രധാനമന്ത്രി മാർക്ക് റൂട്ടെയെയും തട്ടിക്കൊണ്ടുപോകാനുള്ള പദ്ധതി തയ്യാറാക്കിയിരുന്നു. ഈ പദ്ധതിയും പരാജയപ്പെട്ടു. 2024-ൽ അമാലിയ മാഡ്രിഡിലേക്ക് രഹസ്യമായി താമസം മാറ്റിയിരുന്നു. കൊട്ടാരത്തിലെ കനത്ത സുരക്ഷയ്ക്ക് ശേഷം ഈ നടപടി എടുത്തു.
Photo and News Source: Janmabhumi
