ദില്ലിയിലെ വിവേക് വിഹാർ പ്രദേശത്ത് ഞായറാഴ്ച രാത്രി ഉണ്ടായ തീപിടിത്തത്തിൽ ഒൻപത് പേർ മരണമടഞ്ഞു. എസി പൊട്ടിത്തെറി മൂലമാണ് സംഭവം ഉണ്ടായതെന്ന് റിപ്പോർട്ടുകൾ. കെട്ടിടത്തിന്റെ പ്ലാൻ തന്നെ രക്ഷപ്പെടലിനെ ബുദ്ധിമുട്ടാക്കി. ഒരു പടിക്കെട്ടും അടിയന്തര എക്സിറ്റും ഇല്ലാതിരുന്നതിനാൽ താമസക്കാർക്ക് രക്ഷപ്പെടാൻ വഴികളില്ലായിരുന്നു.
കെട്ടിടത്തിന്റെ പിൻവശത്തേക്ക് തീ പടർന്നപ്പോൾ, ഇരുമ്പ് ഗ്രില്ലുകളും ടെറസ് പൂട്ടിയതും കാരണം പിൻഭാഗത്തേക്ക് ചാടുന്നത് അസാധ്യമായി. പിൻവശത്തെ ഫ്ലാറ്റുകളിലേക്കും തീ പടർന്നതിനാൽ അങ്ങോട്ടേക്കും പ്രവേശിക്കാൻ ബുദ്ധിമുട്ടായി. ചിലർ ടെറസിലേക്ക് പോകാൻ ശ്രമിച്ചെങ്കിലും വാതിൽ പൂട്ടിയിരുന്നതിനാൽ രക്ഷപ്പെടാനായില്ല.
വർധിച്ച ചൂടിനും പുകയ്ക്കും ഇടയിൽ കുടുങ്ങിയ പലരും ശ്വാസംമുട്ടിയാണ് മരിച്ചത്. രാത്രി 3.30 ഓടെയായിരുന്നു സംഭവം. മിക്ക താമസക്കാരും ഉറങ്ങിക്കിടക്കുമ്പോൾ ഉണ്ടായ അപകടത്തിൽ പുക അടുത്ത കെട്ടിടത്തിലേക്കും പടർന്നു. രണ്ട് കെട്ടിടങ്ങൾക്കിടയിലുള്ള വിടവ് കുറവായതിനാലാണ് തീ എളുപ്പത്തിൽ പടർന്നത്.
Photo and News Source: Kairali News
