ജീവിതത്തിന്റെ തിരക്കുകളിൽ ‘ഞങ്ങളെന്തിനാണ് ജീവിക്കുന്നത്?’ എന്ന ചോദ്യം ഉയരുമ്പോൾ, മനുഷ്യന്റെ മനസ്സിനെ കൂടുതൽ മനുഷ്യത്വത്തിലേക്ക് നയിക്കുന്ന ‘അസ്തിത്വബുദ്ധി’ (Existential Intelligence) പ്രവർത്തിക്കുന്നു. ഹോവാര്ഡ് ഗാര്ഡ്നര് ഈ ബുദ്ധിശക്തിയെ ഒൻപതാമത്തെ ബുദ്ധിശക്തിയായി വിശേഷിപ്പിക്കുന്നു. ദൃശ്യങ്ങളുടെ അപ്പുറത്തുള്ള പ്രപഞ്ചരഹസ്യങ്ങളെയും ജീവിതത്തിന്റെ ഗൗരവതലങ്ങളെയും ചിന്തിക്കാനുള്ള കഴിവാണിത്. തത്ത്വചിന്തകരിലും ശാസ്ത്രജ്ഞരിലും ഉയർന്ന അളവിൽ കാണപ്പെടുന്ന ഈ ബുദ്ധി, ഐ.ക്യുവിനും ഇ.ക്യുവിനും പുറമെ ജീവിതത്തെ ദാര്ശനികമായി സമീപിക്കാൻ സഹായിക്കുന്നു.
ലോകത്ത് വിഷാദവും മാനസിക സമ്മര്ദ്ദവും വർധിക്കുന്ന ഇക്കാലത്ത്, അസ്തിത്വബുദ്ധിക്ക് വലിയ പ്രാധാന്യമുണ്ട്. ജീവിതത്തിലെ ലാഭനഷ്ടങ്ങളെക്കാളും വലിയൊരു ലക്ഷ്യമുണ്ടെന്ന തിരിച്ചറിവ് വ്യക്തികൾക്ക് ആത്മവിശ്വാസവും സമാധാനവും നൽകുന്നു. പ്രപഞ്ചത്തിലെ എല്ലാ ജീവജാലങ്ങളും പരസ്പരം ബന്ധപ്പെട്ടിരിക്കുന്നു എന്ന ബോധം, സഹജീവികളോട് കരുണയും സ്നേഹവും വളര്ത്തുന്നു. എന്തിനുവേണ്ടി ജീവിക്കണം എന്ന വ്യക്തമായ കാഴ്ചപ്പാട്, ധാര്മ്മികമായ പാതയിലേക്ക് നയിക്കാനും സഹായിക്കുന്നു. പ്രായോഗികമായ ചില ശീലങ്ങളിലൂടെ ഈ ബുദ്ധി വികസിപ്പിച്ചെടുക്കാനാകും.
Photo and News Source: Janmabhumi
