ധാക്ക: പശ്ചിമ ബംഗാളിൽ ബിജെപി അധികാരത്തിലെത്തിയാൽ ബംഗ്ലാദേശിൽ അഭയാർഥി പ്രതിസന്ധി ഉണ്ടാകുമെന്ന് ബംഗ്ലാദേശ് നാഷണലിസ്റ്റ് കോൺഗ്രസ് എംപി അക്തർ ഹുസൈൻ പറഞ്ഞു. പാർലമെന്റ് സെഷനിൽ സംസാരിച്ച അദ്ദേഹം, ലക്ഷക്കണക്കിന് അനധികൃത കുടിയേറ്റക്കാരെ ബംഗ്ലാദേശിലേക്ക് തിരിച്ചയക്കുമെന്നും ഇത് വലിയ അഭയാർഥി പ്രവാഹത്തിന് ഇടയാക്കുമെന്നും വ്യക്തമാക്കി.
കുടിയേറ്റക്കാരെ ഇന്ത്യ തിരിച്ചയക്കില്ലെന്ന ഉറപ്പില്ലെന്നും ഹുസൈൻ അഭിപ്രായപ്പെട്ടു. സാഹചര്യം നേരിടാൻ രാജ്യം ഒറ്റക്കെട്ടായി നിൽക്കണമെന്നും അദ്ദേഹം ആഹ്വാനം ചെയ്തു. അതേസമയം, ബിജെപി എംപി നിഷികാന്ത് ദുബെ ഹുസൈന്റെ പ്രസ്താവനയെ അപകടകരമെന്ന് വിശേഷിപ്പിച്ചു. പശ്ചിമ ബംഗാളിൽ ബിജെപി അധികാരത്തിലെത്തിയാൽ ബംഗ്ലാദേശി മുസ്ലീങ്ങളെ പുറത്താക്കുമെന്ന ആരോപണം തൃണമൂൽ കോൺഗ്രസിന്റെ വോട്ട് ബാങ്ക് രാഷ്ട്രീയമാണെന്നും ദുബെ ആരോപിച്ചു.
ബിജെപി നേതാക്കൾ അനധികൃത കുടിയേറ്റത്തിന് തടയിടുമെന്ന് പ്രചാരണ വേളയിൽ പ്രഖ്യാപിച്ചിരുന്നു. എന്നാൽ കേന്ദ്ര സർക്കാരിന്റെ നിഷ്ക്രിയത്വമാണ് അതിർത്തി പ്രശ്നങ്ങൾക്ക് കാരണമെന്ന് തൃണമൂൽ കോൺഗ്രസ് തിരിച്ചടിച്ചു.
Photo and News Source: Mathrubhumi
