തിരുവനന്തപുരം | ആഗോള സമുദ്രവ്യാപാര മേഖലയിലെ തന്ത്രപ്രധാനമായ മാരിടൈം ഹബ്ബിനായി വിഴിഞ്ഞം തുറമുഖത്തെ മാറ്റാന് കേന്ദ്രം തീരുമാനിച്ചു. പശ്ചിമേഷ്യയിലെ സംഘര്ഷം കാരണം ആഗോള ചരക്കുനീക്കത്തിലുണ്ടായ അനിശ്ചിതത്വത്തെ മറികടക്കാനാണ് ഈ പദ്ധതി. ഇന്ത്യൻ മഹാസമുദ്രത്തിലെ യുദ്ധസാഹചര്യങ്ങള് ബാധിക്കാത്ത ഒരു സമുദ്രവ്യാപാര കേന്ദ്രമായി വിഴിഞ്ഞത്തെ ഉയർത്താനാണ് ലക്ഷ്യം. സിങ്കപ്പൂരും ദുബൈയും പോലെ വിഴിഞ്ഞത്തെ ഒരു പ്രധാന ഹബ്ബാക്കി മാറ്റാനുള്ള നടപടികള് സ്വീകരിക്കാന് പ്രധാനമന്ത്രിയുടെ ഓഫീസ് കേന്ദ്ര ഷിപ്പിങ് മন্ত্রാലയത്തെ ചുമതലപ്പെടുത്തി.
ഷിപ്പിങ് മന്ത്രാലയം, സംസ്ഥാന തുറമുഖ വകുപ്പ്, വിഴിഞ്ഞം ഇന്റർനാഷണൽ സീ പോർട്ട് ലിമിറ്റഡ് ഉദ്യോഗസ്ഥരുടെ പ്രാഥമിക ചർച്ചകളും പൂർത്തിയായി. രാജ്യത്തെ തുറമുഖ വികസനത്തിനുള്ള മാരിടൈം അമൃത്കാല് വിഷൻ 2047-ന്റെ ഭാഗമായാണ് ഈ പദ്ധതി. നിലവിലുള്ള ട്രാൻസ്ഷിപ്മെന്റ് ടെർമിനലിനെ ഒരു മുഴുവൻ ഹബ്ബാക്കി മാറ്റാനാണ് ലക്ഷ്യം. വിഴിഞ്ഞം രണ്ടാം ഘട്ടം പൂർത്തിയാകുമ്പോൾ ബെർത്തിന്റെ നീളം രണ്ട് കിലോമീറ്ററാകും. ആഗോള നിലവാരത്തിന് അഞ്ച് കിലോമീറ്റർ ആവശ്യമെന്ന് വിശകലനം.
സ്വകാര്യ സംരംഭകരുടെ പങ്കാളിത്തത്തോടെ ബെർത്ത് നിർമ്മാണവും ആരംഭിക്കും. ആഗോള ചരക്കുനീക്കത്തിന്റെ 40 ശതമാനവും വിഴിഞ്ഞത്തിന് സമീപത്തുകൂടെ കടന്നുപോകുന്നു. കപ്പലുകൾക്ക് ഇന്ധനം നിറയ്ക്കാനുള്ള ബങ്കറിങ് സംവിധാനവും ആവശ്യമുണ്ട്. വമ്പന് തുറമുഖങ്ങളുടെ മാതൃകയിൽ ഫ്രീ ട്രേഡ് ഉൾപ്പെടെ സാധ്യമാക്കാനാണ് പദ്ധതി. പ്രതിരോധ സേനകളുടെ സാന്നിധ്യവും ഉറപ്പാക്കും.
Photo and News Source: Siraj Live
