ന്യൂഡൽഹിയിൽ വർദ്ധിച്ചുവരുന്ന സൈബർ തട്ടിപ്പുകളുടെ പശ്ചാത്തലത്തിൽ, വ്യക്തിവിവരങ്ങൾ ഇന്റർനെറ്റിൽ നിന്നും മറയ്ക്കേണ്ടത് അത്യാവശ്യമാണ്. ഗൂഗിളിൽ നിന്നും സ്വകാര്യ വിവരങ്ങൾ ഒഴിവാക്കുന്നതിന്, ഗൂഗിൾ ആപ്പ് തുറന്ന് പ്രൊഫൈൽ ചിത്രത്തിൽ ടാപ്പുചെയ്യുക. അവിടെ ‘Results About You’ ഓപ്ഷൻ തിരഞ്ഞെടുക്കുക. ‘Turn on monitoring’-ൽ പേര്, വിലാസം, ഫോൺ നമ്പർ, ഇമെയിൽ ഐഡി എന്നിവ ചേർക്കുക. ഒന്നിലധികം വിവരങ്ങൾ ഉണ്ടെങ്കിൽ അവയും ചേർക്കാം.
‘I confirm..’ തിരഞ്ഞെടുത്ത് സേവ് ചെയ്യുക. ഗൂഗിൾ നിങ്ങളുടെ വിവരങ്ങൾ കൃത്യ ഇടവേളകളിൽ പരിശോധിക്കുകയും ഫോൺ നമ്പർ കണ്ടാൽ ഇമെയിൽ അലേർട്ട് അയക്കുകയും ചെയ്യും. അലേർട്ടിലെ ലിങ്ക് ക്ലിക്കുചെയ്ത് റിവ്യൂ ചെയ്യാം. വിവരങ്ങൾ ഗൂഗിൾ സർച്ചിൽ നിന്നും ഒഴിവാക്കണമെങ്കിൽ നിർദ്ദേശം നൽകുക. അങ്ങനെ ചെയ്യുമ്പോൾ, നിങ്ങളുടെ പേരും മറ്റും മറ്റുള്ളവർക്ക് സർച്ച് ഫലമായി ലഭിക്കില്ല. ഒഴിവാക്കേണ്ടതല്ലെങ്കിൽ ‘Mark as reviewed’ തിരഞ്ഞെടുക്കുക.
Photo and News Source: Samakalika Malayalam
