റിസർവ് ബാങ്ക് ഓഫ് ഇന്ത്യ (RBI) ബാങ്കിംഗിതര ധനകാര്യ സ്ഥാപനങ്ങൾക്കായി (NBFC) പുതിയ നിയന്ത്രണങ്ങൾ ലഘൂകരിച്ചു. ഇനി പ്രത്യേക അനുമതിയില്ലാതെ തന്നെ പുതിയ ശാഖകൾ ആരംഭിക്കാൻ എന്ബിഎഫ്സികൾക്ക് കഴിയും. രാജ്യത്തെ ബിസിനസ് അന്തരീക്ഷം കൂടുതൽ സുഗമമാക്കുന്നതിനുള്ള (Ease of Doing Business) നടപടിയാണിത്.
മുമ്പ്, നിശ്ചിത വിഭാഗത്തിലുള്ള എന്ബിഎഫ്സികൾക്ക് പുതിയ ശാഖകൾ തുടങ്ങണമെങ്കിൽ RBI-യുടെ പ്രത്യേക അനുമതിയോ മുന്കൂട്ടിയുള്ള അറിയിപ്പോ ആവശ്യമായിരുന്നു. എന്നാൽ പുതിയ ഭേദഗതിയോടെ ഈ നിയന്ത്രണങ്ങൾ എടുത്തുകളഞ്ഞു. ഇതോടെ എന്ബിഎഫ്സികൾക്ക് വേഗത്തിൽ ശാഖാ ശൃംഖല വിപുലീകരിക്കാൻ സാധിക്കും.
എന്നാൽ, പൊതുജനങ്ങളിൽ നിന്ന് നിക്ഷേപം സ്വീകരിക്കുന്ന എന്ബിഎഫ്സികൾക്കായി (Deposit-taking NBFCs) ചില നിയന്ത്രണങ്ങൾ നിലനിർത്തിയിട്ടുണ്ട്. 50 കോടി രൂപയോ അതിൽ കുറഞ്ഞ അറ്റാദായമുള്ളവയ്ക്കോ AA-ലേക്കാൾ താഴെ ക്രെഡിറ്റ് റേറ്റിംഗുള്ളവയ്ക്കോ സ്വന്തം സംസ്ഥാനത്തിനുള്ളിലാണ് ശാഖകൾ തുടങ്ങാൻ കഴിയുക. 50 കോടിയ്ക്ക് മുകളിലുള്ളവയ്ക്കും AA-യോ അതിൽ കൂടുതലോ റേറ്റിംഗുള്ളവയ്ക്കും ഇന്ത്യയിലാകെ ശാഖകൾ ആരംഭിക്കാം. 50 കോടിയ്ക്ക് മുകളിലുള്ളവയ്ക്കും AA-ലേക്കാൾ താഴെ റേറ്റിംഗുള്ളവയ്ക്ക് സംസ്ഥാനത്തിന് പുറത്തേക്ക് ശാഖകൾ വ്യാപിപ്പിക്കാൻ കഴിയില്ല.
Photo and News Source: Dhanam
