തിരുവനന്തപുരം: എച്ച്എൽഎൽ ലൈഫ്കെയർ ലിമിറ്റഡിന്റെ പേരൂർക്കട ഫാക്ടറിയിലെ എൽപിജി സ്റ്റോറേജ് കേന്ദ്രത്തിൽ ഇന്ന് വൈകിട്ട് 6.30-ന് മോക്ക് ഡ്രിൽ നടത്താനായി തയ്യാറെടുക്കുന്നു.
അപകട സാഹചര്യങ്ങളെ നേരിടുന്നതിനുള്ള പ്രതിരോധ സംവിധാനങ്ങളുടെയും അഗ്നിശമന സംവിധാനങ്ങളുടെയും പരിശോധനയാണ് ഇതിന്റെ ലക്ഷ്യം. ഫയർ ആൻഡ് റെസ്ക്യൂ സർവീസ്, പോലീസ്, ഫാക്ടറീസ് ആൻഡ് ബോയിലേഴ്സ് വകുപ്പ്, കേരള സംസ്ഥാന മലിനീകരണ നിയന്ത്രണ ബോർഡ് എന്നിവയുടെ പങ്കാളിത്തത്തോടെയാണ് മോക്ക് ഡ്രിൽ സംഘടിപ്പിക്കുന്നത്.
ഫാക്ടറി പരിസരത്ത് സൈറൺ മുഴങ്ങുന്നതിനും ഫയർഫോഴ്സ്, ആംബുലൻസ് വാഹനങ്ങളുടെ ചലനത്തിനും സാധ്യതയുണ്ട്. പ്രദേശവാസികൾ പരിഭ്രാന്തരാകേണ്ടതില്ലെന്ന് അധികൃതർ വ്യക്തമാക്കി. കേന്ദ്ര ആരോഗ്യ-കുടുംബക്ഷേമ മന്ത്രാലയത്തിന് കീഴിലുള്ള മിനിരത്ന പൊതുമേഖലാ സ്ഥാപനമാണ് എച്ച്എൽഎൽ.
Photo and News Source: Malayalam Express
