തിരുവല്ലയിലെ ഒരു ഫ്ലാറ്റിൽ കുട്ടികളെ രക്ഷിച്ച അഗ്നിശമനസേനയുടെ പ്രവർത്തനമാണ് ഇപ്പോൾ ചർച്ച ചെയ്യുന്നത്. പുഷ്പഗിരി റോഡിലുള്ള ഇന്റർനാഷണൽ ഗാർഡൻ സ്ക്വയറിലെ 602-ാം ഫ്ലാറ്റിലായിരുന്നു സംഭവം. മൂന്നു വയസ്സുകാരി നസ്രിയയും ഒരു വയസ്സുകാരൻ മിഖായേലും മുറിക്കുള്ളിൽ കുടുങ്ങിപ്പോയി. കളിക്കാനെന്ന പേരിൽ മുറിയിൽ കയറിയ കുട്ടികൾ വാതിൽ അകത്തുനിന്നും ലോക്ക് ചെയ്തു. വാതിൽ തുറക്കാൻ കഴിയാതെ കുട്ടികൾ ബഹളം തുടങ്ങി. സമീപ നിവാസികൾ സംഭവമറിഞ്ഞ് അഗ്നിശമനസേനയെ വിളിച്ചു.
അഗ്നിശമന സേന ഉദ്യോഗസ്ഥർ ഡോറിന്റെ ലോക്ക് പൊളിച്ചുകൊണ്ട് കുട്ടികളെ രക്ഷപ്പെടുത്തി. ശ്രീനിവാസ്, സൂരജ് മുരളി, അനിൽ കുമാർ, മുഗേഷ് കുമാർ, ശ്രീദാസ്, രാഹുൽ, ആകാശ് തോമസ് എന്നിവരുടെ നേതൃത്വത്തിലായിരുന്നു രക്ഷാപ്രവർത്തനം. കുട്ടികൾക്ക് പരിക്കൊന്നും തട്ടിയില്ല. അഗ്നിശമന സേനയുടെ സമയബന്ധിതമായ ഇടപെടൽ കുട്ടികളുടെ ജീവൻ രക്ഷിച്ചു.
Photo and News Source: Kairali News
