ധാക്ക: ബംഗ്ലാദേശിൽ അഞ്ചാംപനി വൻതോതിൽ പടരുന്നതോടെ രാജ്യത്ത് ആരോഗ്യപരമായ അടിയന്തരാവസ്ഥയുണ്ടായി. മാർച്ചിന്റെ മധ്യത്തോടെ ആരംഭിച്ച രോഗബാധയിൽ 250-ലധികം പേർ മരണമടഞ്ഞു. ലോകാരോഗ്യ സംഘടനയുടെ കണക്കനുസരിച്ച്, രാജ്യത്തെ 64 ജില്ലകളിൽ 58-ലും രോഗം സ്ഥിരീകരിച്ചിട്ടുണ്ട്. മരണപ്പെട്ടവരിൽ ഭൂരിഭാഗവും 14 വയസ്സിന് താഴെയുള്ള കുട്ടികളാണ്.
2017-2023 കാലയളവിൽ 90 ശതമാനത്തിലധികമായിരുന്ന വാക്സിനേഷൻ നിരക്ക്, 2025 ആയപ്പോഴേക്കും 59.6 ശതമാനമായി താഴ്ന്നു. രാഷ്ട്രീയ അസ്ഥിരതയും കോവിഡ് പ്രതിസന്ധിയും പ്രതിരോധ പ്രവർത്തനങ്ങളെ സാരമായി ബാധിച്ചു. രോഗവ്യാപനത്തിന് കാരണമായ ഭരണപരമായ പരാജയങ്ങളെ ചൂണ്ടിക്കാട്ടി മുഹമ്മദ് യൂനുസിനും മറ്റ് മുൻ ഉപദേഷ്ടാക്കൾക്കുമെതിരെ സുപ്രീം കോടതിയിൽ ഹർജി ഫയൽ ചെയ്തു.
ഹർജിയിൽ, യൂനുസ് ഉൾപ്പെടെയുള്ള മുൻ ഉപദേഷ്ടാക്കളുടെ രാജ്യത്തുനിന്നുള്ള യാത്രാവിലക്ക്, വാക്സിനേഷൻ പദ്ധതി സ്വകാര്യമേഖലയിലേക്ക് മാറ്റാനുള്ള നീക്കത്തിന്റെ നിയമവിരുദ്ധത, ഉന്നതതല അന്വേഷണത്തിന്റെ ആവശ്യമെന്നീ ആരോപണങ്ങൾ ഉന്നയിച്ചിരിക്കുന്നു. വിഷയം ഗൗരവമായി പരിഗണിച്ച കോടതി, രോഗവ്യാപനം തടയുന്നതിൽ പരാജയപ്പെട്ടതിന് നിലവിലെ സർക്കാരിനോട് വിശദീകരണം ആവശ്യപ്പെട്ടു. നിലവിലുള്ള നടപടികളുടെ ഫലപ്രാപ്തിയെക്കുറിച്ചും അന്വേഷണം നടത്തുമെന്ന് കോടതി സൂചിപ്പിച്ചു.
Photo and News Source: Janam TV
